A concentración programada polo Consistorio na cidade será esta tarde, ás 20.00 horas, na Praza de Galicia
Narón, 5 de xullo de 2020. O Concello de Narón súmase ás concentracións convocadas e celebradas no día de hoxe en repulsa do asasinato de Samuel Luiz Muñiz na Coruña na madrugada do pasado sábado, vítima dunha brutal agresión. A concentración programada na cidade terá lugar ás 20.00 horas na Praza de Galicia.
Dende o Consistorio condenáronse unha vez máis as manifestacións de violencia en xeral e, en particular, o acto que acabou coa vida de Samuel Luiz, un rapaz de 24 anos, polo que se gardará un minuto de silencio esta tarde en sinal de duelo e de apoio aos familiares e amizades da vítima.