PROGRAMA DE ACTIVIDADES MEDIOAMBIENTAIS E DE TEMPO LIBRE PROMOVIDAS POLO CONCELLO
Están dirixidas a rapaces/as a partir de 10 anos de idade
Narón, 10 de Novembro de 2009.- O local da asociación xuvenil de tempo libre Croio (situado na rúa Reis Católicos, nº5-7, 2º, en Santa Icía) acollerá mañá ás 20:00 horas a presentación do programa de actividades das Escolas Deportivas de Tempo Libre do Padroado de Deportes, así como as actividades municipais medioambientais programadas para o curso 2009-2010, que organiza esta asociación.
As actividades están dirixidas a rapaces/as a partir de 10 anos de idade, de Narón e bisbarra. Para participar nas mesmas é obrigatorio estar matriculado nas Escolas Deportivas de Tempo Libre do Padroado de Deportes do Concello de Narón. O prezo da matrícula é de 39,40 euros/ano (inclúe un seguro de accidente) e se formalizará unha vez realizada a primeira actividade programada para esta temporada (unha Rota polo Río Aceiteiro).
A oferta municipal de actividades de tempo libre 2009-2010 é a seguinte:
Novembro 2009: Rota de sendeirismo polo Río Aceiteiro.
Lugar: San Sadurniño
Data: sábado 21 de novembro.
Medio de transporte: tren de FEVE (2.95€ ida e volta)
Decembro 2009: Cea de Fin de Ano.
Lugar: Local da Asociación Croio.
Data: sábado 19 de decembro.
Xaneiro 2010: Rota de sendeirismo polo Río Xuvia.
Lugar: Narón
Data: sábado 30 de xaneiro.
Medio de transporte: tren de FEVE (2,20€ aprox. Ida ata Pedroso-Volta dende Xuvia).
Febreiro 2010: Saída ós Picos de Europa.
Lugar: Potes (Cantabria)
Datas: 12, 13, 14 e 15 de febreiro.
Prezo: 130 euros (Inclúe aloxamento e pensión completa en hostal)
Marzo 2010: Rota de sendeirismo.
Lugar: Estaca de Vares.
Data: sábado 27 de marzo (Pendente de permiso de aloxamento por parte da Dirección de FEVE na Estación do Barqueiro, e facer o regreso o domingo dia 28).
Medio de transporte: tren do FEVE (8,10€ ida e volta)
Abril 2010: Rota costeira de sendeirismo.
Lugar: Cabo Vilán (Camariñas)
Data: sábado 10 de abril.
Prezo: 18 euros (autocar)
Maio 2010: Rota de sendeirismo (Subida ó Monte de San Roque)
Lugar: Viveiro (Lugo)
Data: sábado 8 de maio.
Medio de transporte: tren do FEVE (10,45€ ida e volta)
Xuño 2010: Celebración do Día Mundial do Medio Ambiente
Lugar: Area recreativa do Muiño de Pedroso
Datas venres 4 e sábado 5 de xuño.
Prezo: pendente do coste do aloxamento e manutención.
Xuño 2010: Marcha cicloturista con acampada de fin de semana
Lugar: Vilarrube (Valdoviño)
Datas: sábado 26 e domingo 27 de xuño.
Prezo: pendente do coste do aloxamento e manutención.
Xullo 2010: Celebración do aniversario da Asociación Croio.
Haberá unha comida, entrega de trofeos alegóricos e carnés ós novos socios.
Lugar: local da asociación, ou restaurante próximo.
Data: sábado 17 de xullo.
Agosto 2010: Campamento de verán 2010.
Lugar: Albergue do Colexio Abrente (Portonovo).
Datas: 2ª quincena de xullo ou 1ª quincena de agosto.
Días de duración: de 11 a 14 días.
Prezo estimado: 350-370 € (o pago se fraccionaría dende o mes de febreiro ata xullo para aqueles que se acollan a esta opción)
Inclúe: aloxamento con pensión completa en albergue:
Medio de transporte: Autocar (Narón-Portonovo) e Barco (Baiona-Illas Cíes)
Calendario dos obradoiros do programa medioambiental:
Ano 2009: 25 de novembro, e 16 de decembro
Ano 2010: 27 de xaneiro, 9 de febreiro, 10 de marzo, 28 de abril, 19 de maio, e 4 e 5 de xuño.
Os obradoiros realizaranse no local da Asociación Croio, en horario de 18 a 21 horas. Os traballos a realizar consistirán na construcción de caixas aniñadoiros, trofeos alegóricos da Asociación, e un cadro cos anagramas de Croio e do Concello de Narón.
Todo o material (ferramentas, útiles de traballo, etc…) facilitarase gratuitamente pola Asociación, e quedará en propiedade do socio/a. Cada un deles realizará un traballo acerca dunha especie arbórea. A elección da especie farase por sorteo o día 25 de novembro, e o traballo entregarase o día 30 de xuño. Incluirase no inventario de árbores de Narón que esta Asociación está a realizar, a partires dun convenio de colaboración coa Concellería de Medioambiente do Concello de Narón.