ILUMINACIÓN DA GLORIETA DE FREIXEIRO CON MOTIVO DO DÍA MUNDIAL CONTRA O CANCRO DE MAMA
O Concello colabora na concienciación da sociedade sobre a importancia da investigación e diagnóstico precoz desta enfermidade, considerada como o tipo de tumor máis frecuente en mulleres
Narón, 18 de outubro de 2021. O Concello iluminará na noite de mañá martes, día 19 de outubro, a glorieta de Freixeiro con motivo da conmemoración do Día Internacional da loita contra o cancro de mama. Deste xeito o Consistorio naronés únese á campaña de visibilización e concienciación promovida pola Asociación Española contra o cancro, no día 19 de outubro, declarado Día mundial de loita contra o cancro de mama.
Nesa data a AECC instalará unha mesa informativa, na Rúa 25 de Xullo, en horario de 11.00 a 14.00 horas