Concello de Narón
  • Concello de Narón
  • El tiempo en Narón
  • Entrada a Naronmail
Noticias
A COMPAÑÍA SARABELA TEATRO REPRESENTARÁ ESTE SÁBADO NO PAZO A OBRA "MORGANA EN ESMELLE"
As entradas dispoñibles poden adquirirse na billeteira do Pazo ou a través da web do Padroado da Cultura: www.padroadodecultura.es
Narón, 19 de maio de 2022. O teatro regresa de novo esta fin de semana ao Pazo da Cultura, coa representación este sábado ás 20.00 horas da obra “Morgana en Esmelle”, da compañía Sarabela Teatro. A cita, prevista inicialmente para finais do pasado mes de abril, pospúxose por motivos alleos ao Padroado da Cultura. A premiada novela do mesmo nome editada no ano 2012 e escrita por Begoña Caamaño foi adaptada para compartir a visión do amor, a xustiza, a violencia, a morte, a liberdade, a opresión… que ten a autora do libro. As protagonistas son mulleres fortes e apaixoadas e na peza incidirase na necesidade de combater o sexismo e a discriminación históricas. Quico Cadaval, Fina Calleja, Fernando Dacosta, Sabela Gago, Laura Míguez e Elena Seijo forman o elenco desta obra de teatro contemporáneo. As entradas teñen un prezo de 9,50 euros para o público xeral e de 6,65 para abonados, desempregados e persoas con carné xove ou de estudante. Poden adquirirse no despacho de billetes do Pazo e na web do Padroado da Cultura: www.padroadodecultura.es.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
naron.gal