Narón, 31 de Maio de 2010.- A web municipal (www.naron.es) ven de estrear un banner sobre Educación Viaria, no que figuran algúns dos contidos deste programa dependente da Policía Local de Narón, e coordinado polos membros deste equipo (o policía Pedro Caneiro, e o técnico de INEF Simón Cabarcos). O citado enlace –vinculado á páxina web da Policía Local de Narón- inclúe as dez rutas en bicicleta que realiza o equipo de Educación Vial Municipal con escolares dos 10 colexios do municipio, durante todo o curso lectivo. As rutas son as seguintes: Ruta do Muiños, Santa Margarita –visitando a Fonte, o cruceiro e a casa medieval-, Baltar e praias de Narón, o Camiño Inglés, o paseo de Xuvia-Neda-O Couto, Castro de Eiravedra, Punto Limpo –en Rio do Pozo-, Paseo da Ribeira, Pena Molexa-Castro Vilasuso-Mamoa, e o Museo da Policía –na Estrada de Cedeira-. No sitio web tamén figuran os contidos que os alumnos/as poden aprender en cada unha destas rutas, e que están relacionados coa historia de Narón. Exemplos disto son os reais establecementos de Xuvia ou o Mosteiro de San Martiño. Todo este material pode descargarse para que os nenos/as poidan repetir as visitas cos seus familiares e/ou amigos, tendo a información necesaria para que sexa o máis proveitosa posible. Para ilustrar con imaxes estos contidos, o enlace sobre Educación Viaria inclúe un vídeo sobre as rutas en bicicleta, e tamén un archivo de audio coa canción “No sin mirar” (escrita por Mario Manso e interpretada polo grupo vigués The Venus Garden) e a correspondente letra, que fala da importancia de respetar os semáforos. O equipo de Educación Viaria do Concello de Narón tamén ten editado durante este ano o libro “A enerxía do planeta” no que se recollen unha selección de redaccións escritas por escolares logo de realizar algunha destas rutas. Por outra banda, o Auditorio Municipal da Praza de Galicia acollerá dende mañá dia 1 de xuño unha exposición de debuxos realizados polos escolares de 3º, 4º, 5º e 6º de Educación Primaria dos dez colexios de Narón, sobre cómo ven eles á Policía Local. O concurso de debuxos foi convocado con motivo do 50 aniversario da Policía Local de Narón (1960-2010) e participaron 320 estudantes. Os debuxos estarán expostos no vestíbulo do Auditorio do 1 ó 15 de xuño e poderán visitarse en horario de 16:00 a 22:00 horas. Do total de debuxos, un xurado elexirá ó gañador ó que se lle entregará un premio especial. Ademáis a súa obra se enmarcará e pasará a ocupar un lugar de honor nas dependencias policiais. Tamén haberá outros tres premios.