INSTALACIÓN DUNHA PANTALLA XIGANTE NA PRAZA DE GALICIA PARA VER A FINAL DO MUNDIAL DE FÚTBOL
Haberá tamén 1.000 cadeiras para seguir o partido cómodamente.
Narón, 8 de Xullo de 2010.- O Concello de Narón instalará este domingo dia 11 de xullo unha pantalla de televisión xigante na Praza de Galicia –frente á Casa Consistorial- para seguir a final do Mundial de Fútbol de Sudáfrica 2010, que enfrentará a España contra Holanda.
Ademáis, colocaranse un total de 1.000 cadeiras para que os naroneses e naronesas que así o elixan, poidan ver o partido sentados. Tamén haberá capacidade para que perto de 4.000 persoas máis sigan a final do Mundial de pé, na céntrica praza naronesa.
O Alcalde de Narón, Jose Manuel Blanco, convidou a tódolos veciños e veciñas do municipio a seguir a festa do fútbol en compañía, animando á Selección Española e creando ambente na Praza de Galicia a partires das 20:30 horas.