Narón, 1 de Decembro de 2010.- O Alcalde de Narón, José Manuel Blanco, firmou hoxe ante notario a compra da Casa Rectoral pertencente á Diócese de Mondoñedo-Ferrol e ubicada na parroquia de Pedroso. A venta foi firmada ante notario polo rexedor naronés e o Ecónomo da Diócese de Mondoñedo-Ferrol, Ramón Otero. Con este último paso oficialízase xa o cambio de titularidade sobre o inmoble, que o Concello rehabilitará para ceder o seu uso á Asociación da 3ª idade de Pedroso e incluso á Asociación de Veciños desta parroquia. Na redacción dos Orzamentos Municipais do 2011 intentarase incluir unha partida para consolidar dito local, fundamentalmente a techumbre, nunha primeira fase, tal e como indicou o Alcalde de Narón. O Concello calcula que o coste da rehabilitación total superará os 200.000 euros, polo que haberá que abordar os traballos en varias fases. Con esta merca, se consigue un compromiso que tiña o Alcalde de Narón, José Manuel Blanco, coa parroquia de Pedroso. “Ainda que foi un proceso lento, xa hai un patrimonio público nesta parroquia, que pasará a ser empregado por parte dos veciños”; indicou. O Concello pagou un total de 50.000 euros por unha finca agro-.urbana de 995 m2 de superficie, na que está incluída a propia casa rectoral (de 335 m2 de superficie, dividida en tres plantas).