Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Novas
 
ENTREGA DE DIPLOMAS DOS CURSOS DE FORMACIÓN MUNICIPAL 'CAMIÑO DE EMPREGO III'
ENTREGA DE DIPLOMAS DOS CURSOS DE FORMACIÓN MUNICIPAL 'CAMIÑO DE EMPREGO III'
Un total de 41 persoas en situación de desemprego remataron con éxito os cursos de Agrogandeiría, Iniciación ás Construcións Metálicas e Alfabetización Dixital.
Narón, 21 de Maio de 2013.- O Alcalde de Narón, José Manuel Blanco, e a Concelleira de Formación Laboral e Emprego, Mª del Mar Gómez, entregaron hoxe os diplomas correspondentes a tres cursos do programa municipal de formación para desempregados Camiño de Emprego III.

En concreto, entregáronse os certificados dos seguintes cursos:

-AGROGANDEIRÍA (do 03-12-2012 ó 15-04-2013). 400 horas de formación e 14 alumn@s.

-INICIACIÓN ÁS CONSTRUCIÓNS METÁLICAS (do 21-12-2012 ó 27-03-2013). 300 horas de formación, e 15 alumn@s.

-ALFABETIZACIÓN DIXITAL (do 13-03-2013 ó 19-03-2013). 25 horas de formación, e 12 alum@s.

O curso de Agrogandeiría dividíuse en cinco módulos formativos:

-Iniciación á silvicultura.
-Medioambiente na agricultura.
-Inserción e emprendemento.
-Hixiene alimentaria para manipuladores de alimentos.
-Alfabetización dixital.

(Falta por desenvolver un módulo de Cría de aves, que se impartirá a estes alumnos/as en vindeiras datas)

O curso de Iniciación ás construcións metálicas constou de tres módulos:

-Nivel básico de prevención na construción.
-Medioambiente no sector naval.
-Inserción e emprendemento.

No curso de Alfabetización dixital, ensináronse os conceptos e terminoloxía de informática básica, sistemas operativos, programas de procesamento de textos e follas de cálculo, navegación por internet e correo electrónico, así coma a busca de información e oportunidades de traballo a través da rede.

Antes de entregar os certificados, o Alcalde de Narón, José Manuel Blanco, felicitou ós participantes por “ter rematado con éxito os cursos. Nos dende o Concello estamos a apostar pola formación de persoas en situación de desemprego, pero este esforzo debería ser conxunto entre as administracións locais, a Deputación e a Xunta de Galicia, para poder chegar a máis persoas e ofrecer un abanico de posibilidades máis amplo” declarou. O rexedor lamentou que tanto o goberno autonómico coma o provincial “en lugar de investir en novos cursos, faga todo o contrario, reducindo o orzamento en cursos de formación”.

Pola súa banda, a Concelleira de Formación Laboral e Emprego de Narón recalcou a importancia do programa “Camiño de Emprego”, que xa vai pola súa terceira edición e que está financiado de xeito íntegro polo Concello. “O noso obxectivo é poder proporcionar unha formación a persoas en situación de desemprego, para que estean o mellor preparadas posible de cara á busca dun posto de traballo”, indicou María del Mar Gómez.

O Concello de Narón continuará prestando asistencia ás persoas que realizaron estes cursos, a través do Servizo de Orientación Laboral que existe no entrechán do Concello. Dende aí ofreceráselles información sobre os posibles nichos de emprego que poidan xurdir e que encaixen cos perfís dos demandantes, e tamén se lles informará dunha alternativa que estase a revelar coma a máis efectiva: o autoemprego.

Cabe lembrar que case un 70% dos postos de traballo que se crean en Europa son por autoemprego, un porcentaxe que en España é inferior ó 50% (xa sexa a través de autónomos ou de pequenas empresas).



Últimas novasu Tódalas novas

<<< Decembro 2018 >>>

LMMXVSD
 
1
2
3
4
6
7
8
9
10
11
12
14
15
16
19
21
22
23
24
25
26
28
29
30
31
 
Eventos do Concello
   
 
Concello de Narón - Aviso legal