O boletín oficial da provincia nº 162 do 14 de xullo abría un prazo de vinte días para que as empresas interesadas presentaran as súas ofertas e proxectos de xestión da nova gardería que se está a executar no barrio da Gándara desta localidade de Narón.

Trátase da terceira escola infantil municipal que entrará en funcionamento no concello naronés no mes de setembro - unha vez obtida a preceptiva autorizaicón autonómica para a súa apertura- acompañando así ás dos barrios da Solaina e Piñeiros.

Con estas instalacións o concello pretende dar unha axeitada resposta ás demandas e inquietudes veciñais facilitando a conciliación da vida familiar coa laboral.

Nos próximos días aperturaranse as ofertas técnicas e económicas remitíndose aos servizos técnicos e xurídicos municipais co fin de proceder á adxudicación do servizo á maior brevidade que resulte posible.