Narón, 30 de Outubro de 2013.- O Pazo da Cultura de Narón acollerá mañá xoves 31 de outubro a partires das 21:00 horas, o I Concerto Solidario a beneficio do Centro de Recursos Solidarios (CRS) de Narón. O prezo da entrada é de 5€, e haberá unha Fila O Solidaria (o número de conta, do Banco Pastor, é o seguinte: 0072 8158 15 0600024314). O programa do I Concerto Solidario é o seguinte: -Actuación do grupo “La Promesa” (banda de pop-rock formada por Diego Dopico, Christian Figueroa, Berto Lorenzo, Ramón Leiro, Juan Maroño e Loren Paz). -Actuación de alumnos/as da Escola de Bailes de Salón do Padroado de Cultura de Narón. -Video/presentación do Centro de Recursos Solidarios. -Actuación da Xove Banda de Narón (formada por músicos procedentes das Escolas de Música de Narón e da Asociación Cultural e Musical” Sementeira”).