Narón, 18 de Decembro de 2013.- O Alcalde de Narón, José Manuel Blanco, e a presidenta da Asociación de Empresarias da Comarca de Ferrolterra (AECOFE), Ana Armada, asinaron hoxe un convenio de colaboración en materia de promoción económica, acompañados polo Concelleiro da área, Pablo Villamar. O obxectivo deste acordo é a realización de actuacións que contribúan á dinamización da economía local, para o cal a entidade recibirá unha achega de 3.000€ correspondentes á anualidade do 2013. Este acordo enmárcase na Lei 13/2010, do 17 de decembro, do Comercio Interior de Galicia, que regula as relacións de coordinación, cooperación e colaboración dos municipios e os axentes representativos do sector comercial.