Concello de Narón
  • Concello de Narón
  • El tiempo en Narón
  • Entrada a Naronmail
Noticias
ACORDO DE COLABORACIÓN ENTRE O CONCELLO E A ASOCIACIÓN DE COMERCIANTES PARA A PROMOCIÓN DO COMERCIO LOCAL
O Concello achegará 9.000 euros para a realización de diferentes programas de apoio ós comerciantes locais.
Narón, 26 de Maio de 2014.- O Alcalde de Narón, José Manuel Blanco, e a presidenta da Asociación de Comerciantes de Narón (ACN), Olga Ameneiro, asinaron hoxe un convenio de colaboración en materia de promoción económica. En virtude deste acordo, o Concello de Narón realizará unha achega de 9.000€ correspondente á anualidade do 2014, para a realización de actividades de promoción do comercio local. En concreto, con esta aportación se financiará a recente Campaña de Promoción do Comercio Local no Nadal, e o servizo de Xestión e Asesoramento a PEMES de Narón. Ademáis, a Concellería de Promoción Económica de Narón, dirixida polo edil Pablo Villamar –que tamén estivo presente hoxe na firma do convenio- mantén na actualidade a 2ª edición do Plan de Formación a Autónomos, PEMES e Pequeno Comercio de Narón, cuxa calidade foi destacada hoxe pola presidenta da ACN. “Estas charlas formativas están sendo moi ben acollidas, porque dan resposta a moitas dúbidas que temos os comerciantes. Son charlas moi prácticas, con cuestións que podemos aplicar no día a día ó noso traballo. Por iso quero animar ós comerciantes que aínda non acudiron a que asistan” declarou Olga Ameneiro. A última charla deste calendario se celebrará o xoves 12 de xuño ás 20:45 horas no Café Teatro do Pazo da Cultura. Anabel Valera (deseñadora de Artes Gráficas) falará sobre “Ferramentas imprescindibles para a pequena empresa: imaxe de marca e mercadotecnia estratéxica”. A entrada é de balde. Olga Ameneiro agradeceu “a colaboración do Concello de Narón pola seu apoio incondicional a PEMES e autónomos nestes tempos tan difíciles para nos”. O Concelleiro de Promoción Económica lembrou que “o comercio é un sector moi importante para un municipio, polo cal resulta imprescindible manter unha colaboración entre ambos”. E o Alcalde de Narón concluíu expresando o seu desexo de que “os veciños se impliquen cada vez máis co comercio local”.

<<< Agosto 2022 >>>

LMMXVSD
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
www.naron.es