Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Novas
 
NARÓN SOLICITA A FERROL QUE ANULE OS ACORDO SOBRE O SANEAMENTO E DEPURACIÓN DAS AUGAS RESIDUAIS Ó NON AXUSTARSE Á LEGALIDADE
NARÓN SOLICITA A FERROL QUE ANULE OS ACORDO SOBRE O SANEAMENTO E DEPURACIÓN DAS AUGAS RESIDUAIS Ó NON AXUSTARSE Á LEGALIDADE
Reclámase a anulación da encomenda de xestión da Depuradora a Emafesa e da Taxa de Depuración das Augas Residuais.
Narón, 14 de Xullo de 2014.- A Corporación Municipal de Narón celebrou hoxe un Pleno Extraordinario no que se aprobaron (cos votos a favor de TEGA, PSOE, BNG e Grupo Mixto, e a abstención do PP) tres requerimentos ó Concello de Ferrol, para que revoque e deixe sen efecto os acordos adoptados polo Concello Pleno o pasado 29 de maio, relativos á:

-Encomenda de xestión de Augas de Galicia ó Concello de Ferrol para a explotación, mantemento e conservación do sistema de saneamento e depuración do Concello de Ferrol.

-Protocolo de execución entre o Concello de Ferrol e Emafesa para a explotación, mantemento e conservación do sistema de saneamento e depuración do Concello de Ferrol.

-Imposición e ordenación dunha taxa polo servizo de depuración de augas residuais.

Tal e como recordou o Alcalde de Narón, José Manuel Blanco, estes tres acordos “non se axustan á legalidade e son nulos de pleno dereito. Así o establecen os informes xurídicos encargados polo Concello de Narón como parte interesada, a un catedrático de Dereito experto nesta materia”.

A anulación destes acordos ven avalada por informes xurídicos, non políticos, que establecen que Augas de Galicia non pode encomendar ó Concello de Ferrol a xestión do saneamento posto que a administración local non pertence ó organismo autonómico e polo tanto non se axusta á Lei de Contratos do Sector Público.

Asimesmo, o protocolo asinado entre o Concello de Ferrol e Emafesa non se axusta á legalidade ó tratarse dunha empresa mixta (con capital privado e público) e este contrato suporá un aumento da súa cifra de negocio pola
actividade adicional, que se lle encomenda ata o ano 2030, o que obrigaría a Narón a aceptar este modelo de xestión ó conectarse á EDAR no ano 2016. A este respecto, o Alcalde de Narón sinalou que “non se pode entregar unha obra a unha empresa privada sen un concurso público, porque isto é unha ilegalidade”.

Por último, a Taxa de Saneamento que aprobou o Concello de Ferrol carece dunha memoria económico-financieira sobre o coste ou valor do servizo e a xustificación da cuantía da taxa proposta, polo que resulta nula de pleno dereito. O prazo de presentación de alegacións a esta taxa remata precisamente mañá, e o Concello de Narón como parte interesada solicitou a documentación sobre esta Ordenanza fiscal, rexeitando esta petición o Concello de Ferrol ó considerar que Narón “non é parte interesada no asunto posto que non ten propiedades en Ferrol” . Esta resposta resulta insólita, tendo en conta que Narón se conectará ó Saneamento das augas residuais no ano 2016, e a Depuradora estará xa funcionando e haberá que abonar a correspondente taxa.



Últimas novasu Tódalas novas

<<< Outubro 2018 >>>

LMMXVSD
1
2
3
5
6
7
8
9
10
12
13
14
17
19
20
21
23
24
26
27
28
29
30
 
Eventos do Concello
   
 
Concello de Narón - Aviso legal