Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Novas
 
PROGRAMA DE ACTIVIDADES DA BIBLIOTECA MUNICIPAL DO ALTO
PROGRAMA DE ACTIVIDADES DA BIBLIOTECA MUNICIPAL DO ALTO
Haberá un Club de Lectura, Contacontos, Obradoiros, recollida de xoguetes e alimentos para o Centro de Recursos Solidarios, e préstamos sorpresa.
Narón, 4 de Decembro de 2014.- A Concelleira de Ensino e Bibliotecas de Narón, Mª del Carmen Espada, ofreceu hoxe unha rolda de prensa para presentar as actividades que se desenvolverán no mes de decembro na Biblioteca Municipal do Alto.

A primeira iniciativa terá lugar do martes 9 ó xoves 11 de decembro, de 18:00 a 20:00 horas, e consistirá nun Obradoiro de Educación Alimentaria dirixido a pais e nais de nenos/as a partir de 6 meses. Hai 20 prazas dispoñibles e os interesados poden reservar praza na Biblioteca ou chamando ó número 981 382 173.

Os contidos divídense en 3 sesións:

Sesión 1
-Lactancia materna. Recomendacións da OMS.
-Qué a alimentación complementaria. Por que, como e cando introducila.
-Necesidades nutricionais do bebé. Grupos de alimentos: froitas, verduras, cereais, carnes, peixes, ovos, legumes, lácteos e auga.
-Alimentos non recomendables.

Sesión 2
-Triturado ou enteiro? Purés ou ‘Baby led waning’. Vantaxas
-Preparación e almacenamento seguro dos alimentos. Pautas hixiénicas.
-Hábitos alimentarios saudables. Erros comúns.

Sesión 3
-Etiquetado de alimentos. Pautas xerais.
-Qué significa a información nutricional. Aprender a elexir produtos saudables a partir das etiquetas.
-Comparación de etiquetas de produtos infantís. Exemplos reais.

Dous días despois, o sábado 13 de decembro terá lugar o Contacontos para bebés ‘Bicos con leite’ a cargo de Charo Pita. Haberá dúas sesións, con 15 prazas cada unha. Os horarios son os seguintes:

-De 11 a 11:30: bebés de 19 a 36 meses.
-De 12 a 12:30 horas: bebés de 0 a 18 meses.

Trátase dunha serie de contos, cancións e sons onde os protagonistas son os animais. Charo Pita introduce nesta sesión o tema da lactancia, narrando e recreando o seu libro ‘Maxia!’. Cada bebé poderá vir acompañado dun adulto. As prazas poden reservarse a partir do 9 de decembro ás 16:00 horas, na Biblioteca ou chamando ó número 981 382 173.

Ademáis, como actividade paralela e complementaria, permanecerán expostos durante a semana do 9 ó 13 de decembro unha selección de contos infantís e manuais de adultos sobre a lactancia materna.

O sábado 20 de decembro, de 11 a 12 horas, haberá outro contacontos, esta vez dirixido a nenos/as de 4 a 8 anos de idade. Trátase do contacontos/obradoiro ‘Os recunchos do Nadal’ a cargo de María Cagiao (XESDOC) e que se divide en tres accións: o recuncho do conto, o recuncho do crebacabezas de Nadal, e o recuncho do obradoiro. O prazo para apuntarse ábrese o luns 15 de decembro ás 16:00 horas, pódese reservar praza da mesma forma que nas actividades anteriores. Hai un límite de 20 prazas.

Por outra parte, do 22 de decembro ó 5 de xaneiro levarase a cabo o préstamo de lotes sorpresa “a cegas”, previamente seleccionados polo persoal da biblioteca. Trátase de varios lotes de 3 documentos cada un (libros, CDs, DVDs) para nenos/as de 0 a 14 anos (divididos en 4 grupos de idade). O obxectivo é que teñan acceso ós materiais de máis calidade estética e literaria que moitas veces deixan de lado por seguir as modas comerciais da literatura infantil.

A Concelleira de Bibliotecas de Narón, Mª del Carmen Espada, tamén presentou hoxe dúas iniciativas novedosas que se levarán a cabo proximamente:

-Biblioteca Quitapenas: trátase dunha campaña de doazón de produtos básicos non perecedoiros (arroz, aceite, conservas e produtos de hixiene) con destino ó Centro de Recursos Solidarios. Esta campaña permanecerá aberta dende hoxe e indefinidamente. Ademáis, durante o Nadal organízase a ‘Biblioteca Quitapenas cun xoguete’ que consiste na recollida de xoguetes –novos ou usados, pero en bo estado- ata o 29 de decembro, co mesmo destino.

Mª del Carmen Espada apelou á xenerosidade dos usuarios, para facerlles partícipes desta campaña. “Queremos seguir axudando e ser solidarios cos máis desfavorecidos nesta cadea de favores na que todos saímos beneficiados” sinalou a Concelleira de Bibliotecas.

Por último, dende o Concello de Narón promóvese o Club de Lectura “Vital” que nace coa idea de promover un tipo de lectura orientado á evolución e ó crecemento das persoas, mediante a selección previa de libros que lles aporten un aprendizaxe a nivel persoal, e que lles permitan relacionarse entre sí. O Club de Lectura terá unha duración de 6 meses, dende xaneiro ata xuño de 2015 e os seus membros reuniranse 1 vez ó mes para comentar e debater un libro previamente elixido entre todos. Haberá entre 6 e 18 prazas dispoñibles e os interesados poden inscribirse dende este momento na Biblioteca Municipal do Alto. A persoa encargada de organizar o Club de Lectura será Sonia López Díaz, coach profesional con certificación internacional polo Instituto Europeo de Coaching.

Para concluir, Mª del Carmen Espada convidou a tódolos veciños de Narón a facerse partícipes das actividades promovidas pola Biblioteca do Alto “posto que ademáis de ser un espazo de lectura, é tamén un sitio de encontro e de convivencia” finalizou a edil.



Últimas novasu Tódalas novas

<<< Setembro 2018 >>>

LMMXVSD
 
1
2
4
5
7
8
9
10
11
12
14
15
16
19
21
22
23
25
26
28
29
30
Eventos do Concello
   
 
Concello de Narón - Aviso legal