NARÓN, Martes 6 de Novembro de 2007.- O obxectivo destes encontros é coñecer de primeira man a situación actual das empresas de Narón e comarca, os seus retos de futuro e as súas necesidades. Para elo, a Concelleira entrevistarase ó longo desta semana con responsables das distintas asociacións empresariais de Ferrolterra. Mañá mércores, a cita será co Presidente da Asociación de Empresarios de Ferrolterra (AEF), Jose Ramón Franco. Xa o venres, a Tenente de Alcalde manterá unha reunión coa directiva da Confederación de Empresarios de Ferrol (CEF). Está pendente de confirmación a xuntanza co Presidente da Cámara de Comercio de Ferrol, Francisco Cruz. Angeles Díaz ten intención de recibir tamén ós presidentes das asociacións de comerciantes de A Gándara e Santa Rita (Xuvia). Máis adiante, a Concelleira de Promoción Económica tomará contacto cos sindicatos de Ferrolterra, para coñecer tamén o seu punto de vista sobre a realidade empresarial de Ferrolterra en xeral, e de Narón en particular.