O Concello garda cinco minutos de silencio en solidariedade coas víctimas do último atentado terrorista, ocurrido o pasado 1 de Decembro no sur de Francia.
Narón, 3 de Decembro de 2007.- O Concello de Narón sumouse ás 12 horas de hoxe á concentración solidaria, convocada pola Federación Galega de Municipios e Provincias (FEGAMP) en repulsa polo atentado terrorista acontecido o pasado 1 de Decembro no Sur de Francia, e que costou a vida a un Garda Civil e feríu de extrema gravidade ó seu compañeiro.
O Alcalde de Narón, Xoán Gato, pediu ós presentes –entre os que se atopaban concelleiros dos catro partidos políticos con representación municipal- que se gardasen cinco minutos de silencio, como xeito de protesta por este acto terrorista e en solidaridade coas familias das víctimas. O acto concluíu cun longo aprauso en memoria dos Gardas Civís.
Numerosos traballadores do Concello de Narón sumáronse a esta convocatoria, feita pola FEGAMP e dirixida a tódolos municipios de Galicia.