Narón, 28 de outubro de 2015. Uns cincuenta alumnos de terceiro e cuarto curso de Primaria do colexio de Piñeiros visitaron o Concello de Narón. Acompañados polos integrantes do equipo de Seguridade Vial de Narón, Pedro Caneiro e Simón Cabarcos, chegaron ao Consistorio en bicicleta e despois foron recibidos polo alcalde, José Manuel Blanco, e pola concelleira de Ensino, Mercedes Taibo, no salón de plenos. Os rapaces preguntáronlle a Blanco por asuntos relacionados coa vida política local e algunhas obras que se están executando no termo municipal. Foron varios os escolares que se interesaron ante o rexedor polos anteriores alcaldes que tivo Narón, por cómo se pode chegar ao cargo e qué supón a nivel persoal. Rematada a recepción no salón de plenos os rapaces e rapazas visitaron outras dependencias municipais, entre elas o arquivo.