Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Novas
 
REPRESENTANTES DAS CONFRARÍAS DE PESCADORES E MARISCADORES DE FERROL E BARALLOBRE MANTIVERON UNHA REUNIÓN CO GRUPO DE GOBERNO
REPRESENTANTES DAS CONFRARÍAS DE PESCADORES E MARISCADORES DE FERROL E BARALLOBRE MANTIVERON UNHA REUNIÓN CO GRUPO DE GOBERNO
O colectivo expuxo as súas inquedanzas polo retraso nas obras de saneamento, e o rexedor local trasladoulles a disposición do Concello a colaborar na rexeneración dos bancos marisqueiros implicando ás administracións con competencias na materia
Narón, 15 de abril de 2016. O rexedor local, José Manuel Blanco, e os portavoces locais do PSOE e do BNG mantiveron unha reunión con representantes das Confrarías de Pescadores e Mariscadores de Ferrol e “Santiago Apóstol” de Barallobre (Fene). Durante o encontro o colectivo trasladou as súas inquedanzas por unha serie de problemas derivados do retraso que acumulan as obras de saneamento da ría, actualmente en execución. Os políticos locais tomaron nota das reivindicacións plantexadas polos patróns dos pósitos de Ferrol e Barallobre, Isabel Maroño e Carlos Rey, que acudiron acompañados por Paz González, secretaria da Confraría de Ferrol, e Benigno Varela, vicepatrón da de Barallobre.
O rexedor local informounos do estado no que se atopa a intervención, incidindo en que se trata dunha obra onde os concellos de Narón e Ferrol aportarán unha contía económica, pero cuxa contratación, e direccións de obra e de seguridade dependen directamente de Acuaes, un organismo de titularidade estatal. Blanco explicou que, segundo as últimas informacións transmitidas oficialmente, os traballos correspondentes ao tramo O Cadaval-Neda estarán rematados antes do verán, se ben os do río Inxerto acumulan un retraso maior. “Isto último non impide que no caso de que Ferrol o permita, pola gravidade, algunhas zonas de Narón poidan verter aos colectores e ir directamente á depuradora”, apuntou o alcalde. Así mesmo, Blanco subliñou que “todo o que sexa evitar que se continúe vertendo á ría é positivo, aínda tendo moi clara a situación na que actualmente se atopa a depuradora”.
Outro dos temas plantexados desde as citadas Confrarías foi o problema xerado polos lodos, urxindo a necesidade de recuperar os bancos marisqueiros. Neste apartado, o alcalde naronés plantexou unha proposta, que consiste en alcanzar un acordo entre os dous pósitos e os concellos de Narón e Ferrol para realizar os estudos que resulten necesarios de cara á posible retirada dos lodos. Neste punto “sería indispensable a implicación doutras administracións unha vez que se coñeza a mellor opción, para levala a cabo, dado que os concellos non teñen competencias nese tipo de actuacións”, aclarou Blanco, incidindo no firme compromiso do goberno local naronés de colaborar co proceso de rexeneración en zonas tan importantes de pesca e marisqueo como Caranza, A Gándara ou As Aceñas, entre outras.
Na actualidade, tal e como indicaron os representantes do colectivo, están afectadas de modo directo pola problemática máis de seiscentas familias da comarca.



Últimas novasu Tódalas novas

<<< Xu�o 2018 >>>

LMMXVSD
 
1
2
3
4
5
6
8
9
10
11
12
13
15
16
17
20
22
23
24
26
27
29
30
 
Eventos do Concello
   
 
Concello de Narón - Aviso legal