Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Novas
 
LIBROS, MÚSICA E XOGOS PARA CONMEMORAR EN NARÓN O DÍA DAS LETRAS GALEGAS
LIBROS, MÚSICA E XOGOS PARA CONMEMORAR EN NARÓN O DÍA DAS LETRAS GALEGAS
As actividades programadas polo Concello para o 17 de maio sucedéronse en varias zonas do municipio
Narón, 17 de maio de 2016. O municipio naronés acolleu varios actos para conmemorar o Día das Letras Galegas. O primeiro dos incluídos no programa deseñado polo Concello para festexar o propio 17 de maio, homenaxeando ao autor galego Manuel María, comezou ás 10.00 horas. Preto dun cento de persoas partiron da praza da Gándara na “1ª Andaina polas Letras”, un percorrido que levou aos camiñantes por varios puntos do municipio, entre eles o mosteiro do Couto e o muíño das Aceñas durante unhas dúas horas. O bo tempo animou aos participantes, que gozaron das vistas e do paseo matinal para, trala chegada de novo á Gándara presenciar a actuación do Grupo do Padroado da Cultura, amenizando a xornada, e con cuxa música tradicional gozaron tamén os veciños e veciñas do barrio.
A praza de Galicia, no Alto, centrou a programación que se desenvolveu durante boa parte da tarde. A partir das 17.00 horas comezaron as actividades, que contaron coa participación de nenos e nenas da zona e tamén de persoas maiores. O Coro Solidario do IES Terra de Trasancos, formado por alumnos e alumnas do citado instituto naronés, encargouse do apartado musical pola tarde, interpretando varias pezas. Mentres actuaban os rapaces e rapazas do coro, os nenos e nenas gozaron tamén cos xogos populares e enredos preparados para a ocasión: salto á corda, a chave, os zancos ou tiracroios, entre outros.
A Biblioteca na rúa, instalada baixo unha pequena carpa na propia praza de Galicia, foi outra das actividades que se levou a cabo. Non faltaron as obras de Manuel María, que tiñan un espazo propio neste Día das Letras Galegas. Pero tamén podían verse obras doutros recoñecidos escritores en lingua galega, como Roberto Vidal Bolaño, Lois Pereiro ou Manuel Lugrís, aos que tamén se dedicou en anos anteriores o Día das Letras Galegas. Así mesmo, tamén permaneceu instalado na praza un photocall de Manuel María, no que pudieron fotografiarse as persoas que acudiron aos actos convocados na praza de Galicia.
A clausura do programa do 17 de maio correu a cargo doutra actuación, neste caso dun concerto protagonizado por Os Resentidos e a Lira de Ribadavia, no Pazo da Cultura, a partir das 19.00 horas. Neste repertorio musical versionaranse diferentes temas cos que se rendirá unha merecida homenaxe á música de verbena e das festas populares.
Música, xogos e libros en galego protagonizaron esta xornada lúdica, pero tamén festiva e didáctica coa que o Concello de Narón celebrou este ano a súa particular homenaxe a Manuel María e, en xeral, á lingua e á cultura galegas, coincidindo co 17 de maio.



Últimas novasu Tódalas novas

<<< Setembro 2018 >>>

LMMXVSD
 
1
2
4
5
7
8
9
10
11
12
14
15
16
19
21
22
23
25
26
28
29
30
Eventos do Concello
   
 
Concello de Narón - Aviso legal