Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Novas
 
ABERTO O PRAZO DE INSCRICIÓN NO PROGRAMA "CONCILIAESCOLA VERÁN"
ABERTO O PRAZO DE INSCRICIÓN NO PROGRAMA
A iniciativa diríxese a nenos e nenas de Narón de entre 4 e 12 anos e desenvolverase nas instalacións do CRA de Domirón do 27 de xuño ao 1 de agosto
Narón, 17 de maio de 2016. A concelleira de Igualdade, Teresa Sabio, anunciou a apertura do prazo de inscrición no programa ConciliaEscola Verán organizado polo Concello en colaboración coa Deputación da Coruña. A iniciativa, explicou, desenvolverase entre os días 27 de xuño e 1 de agosto –en cinco quendas semanais- nas instalacións do CRA de Domirón, e diríxese a nenos e nenas de Narón de entre 4 e 12 anos. Os interesados dispoñen de prazo ata o 31 de maio para entregar a solicitude de inscrición no Rexistro municipal, en horario de 8.30 a 13.30. A participación na actividade supón un custe de 8,15 euros por cada semana e participante e está limitada a un máximo de cen persoas en total. “Convocamos unha nova edición do programa ConciliaEscola co fin de facilitar a conciliación da vida familiar e laboral aos naroneses e naronesas, ao tempo que apostamos por implicar aos nenos e nenas en diversas actividades formativas, deportivas e lúdicas coas que gozar do seu tempo de ocio durante uns días do verán”, apuntou Teresa Sabio.
Os rapaces e rapazas asistirán a diversos obradoiros: de cociña, de reciclaxe, deportivos, de medio ambiente e de xogos, entre outros, nos que contarán coa colaboración de varios monitores.
As quendas establecidas son: do 27 de xuño ao 1 de xullo; do 4 de xullo ao 8 de xullo: do 11 de xullo ao 15 do mesmo mes; do 18 ao 22 de xullo e a última, do 26 de xullo ao 1 de agosto. Os horarios establecidos serán de 7.30 a 14.00 horas, con transporte só de volta, e de 9.00 a 14.00 horas con transporte de ida e volta. No que respecta aos desprazamentos, a edil de Igualdade recalcou que se realizarán paradas en todas as parroquias e que se informará dos horarios nunha xuntanza previa ao inicio da actividade, subliñando que será preciso adaptalos en función do número das mesmas e da cantidade de nenos e nenas a recoller en cada zona. Inicialmente as paradas previstas son: na Casa da Mocidade (A Gándara); no polideportivo Campo da Serra (na Solaina); na Praza do colexio de Xuvia; no Centro Cívico de Piñeiros; no Centro Cívico de San Mateo; na cooperativa do Val; no Pazo Libunca (San Xiao); no Paraxe, en Castro; no Centro Cívico de Sedes; e nas inmediacións das igrexas de Doso e Pedroso.
As prazas cubriranse por rigorosa orde de inscrición e terán preferencia os rapaces e rapazas empadroados en Narón e cuxos pais traballen durante as datas nas que se desenvolve o programa. Para obter máis información pódese chamar ao Servizo Sociocomunitario Municipal, ao número de teléfono 981 337 700 (extensións: 1113 e 1115).


Descarga de archivos
FICHA DE INSCRICIÓNTamaño: 297,13 KBDescargar


Últimas novasu Tódalas novas

<<< Abril 2018 >>>

LMMXVSD
 
1
2
3
4
7
8
9
10
11
13
14
15
18
20
21
22
24
25
27
28
29
30
 
Eventos do Concello
   
 
Concello de Narón - Aviso legal