Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Novas
 
A PRAZA DE GALICIA ACOLLEU UN AULA MÓBIL INFORMATIVA SOBRE A RECICLAXE DE RESIDUOS
A PRAZA DE GALICIA ACOLLEU UN AULA MÓBIL INFORMATIVA SOBRE A RECICLAXE DE RESIDUOS
A Concellería de Servizos de Narón impulsa diversas campañas ao longo do ano para fomentar a reciclaxe na cidade, esta última en colaboración coa Consellería de Medio Ambiente, Ecoembes e Sogama
Narón, 26 de decembro de 2016. A campaña de reciclaxe “Oportunidades Galicia. Separemos ben. Reciclaremos mellor. Non rompas o esforzo de todos. Recicla”, impulsada desde a Consellería de Medio Ambiente, en colaboración con Ecoembes, Sogama e, neste caso, a Concellería de Servizos de Narón, chegou hoxe á localidade. Un vehículo instalado na Praza de Galicia informou á veciñanza sobre as vantaxes e a importancia de reciclar os residuos. O edil da área, Ibán Santalla e o tamén concelleiro naronés Román Romero visitaron esta mañá a citada aula móbil informativa, que permaneceu operativa desde as 11.00 ata as 14.00 horas.
A través desta campaña informouse á veciñanza sobre os residuos que se deben depositar en cada un dos colectores, atendendo á cor destes últimos, e tamén se agasallaba aos nenos e nenas cunha serie de xogos relacionados con esta temática e unha bolsa publicitaria desta iniciativa.
O edil de Servizos destacou a importancia de respaldar este tipo de campañas, así como de calquera outra proposta encamiñada ao coidado do medio ambiente e a manter limpos os municipios. Santalla agradeceu a colaboración dos veciños e veciñas de Narón en xeral e tamén do sector hostaleiro en particular, para colaborar na reciclaxe de residuos, depositándoos no colector axeitado e tamén nos horarios estipulados para tal fin.
Así mesmo, o edil de Servizos recordou que o Concello dispón dun Punto limpo no polígono industrial de Río do Pozo (fronte a Sogama), aberto de luns a venres en horario de 9.00 a 13.00 e de 16.00 a 19.00 e os sábados de 9.00 a 14.00. A maiores, o Concello dispón dun servizo de recollida, co que se pode contactar no número de teléfono 981 391 074 e impulsa campañas puntualmente para incidir na importancia da reciclaxe. A última deste ano realizouse a través da empresa Cosma, co reparto dunha “Guía de reciclaxe en Narón” que se entregou co último recibo dos clientes da compañía.
“A colaboración dos veciños e das veciñas de Narón é fundamental para manter a cidade nas mellores condicións de limpeza posibles, e queremos implicar aos nenos e nenas desde pequenos para así contribuír á xeración duns hábitos que se manteñan no tempo e que ano tras ano nos permitan elevar as taxas de reciclaxe de residuos na nosa cidade”, destacou Santalla.



Últimas novasu Tódalas novas

<<< Xaneiro 2018 >>>

LMMXVSD
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
   
 
Concello de Narón - Aviso legal