Concello de Narón
  • Concello de Narón
  • El tiempo en Narón
  • Entrada a Naronmail
Noticias
O AUDITORIO MUNICIPAL ACOLLEU O ACTO DE ENTREGA DUN CENTENAR DE DIPLOMAS DE CURSOS DO PROGRAMA MUNICIPAL DE FORMACIÓN
A alcaldesa, Marián Ferreiro, e a concelleira de Formación e Mocidade, Natalia Hermida, entregaron os diplomas de oito acción formativas
Narón, 15 de decembro de 2017. A alcaldesa de Narón, Marián Ferreiro, e a edil de Formación e Mocidade, Natalia Hermida, entregaron esta mañá no Auditorio municipal un total de 107 diplomas de oito cursos das citadas áreas. O acto iniciouse ás 12.00 horas e no mesmo a rexedora local e a edil naronesa felicitaron ás mulleres e homes que remataron con éxito os cursos convocados desde a administración local. A concelleira de Formación e Mocidade destacou o feito de que “estes oito cursos se traducen nun total de preto de 2.000 horas de formación impartidas entre os meses de maio e decembro deste ano e ás que hai que sumar outras 4.000 impartidas tamén neste 2017 a través do Concello”. Hermida explicou que os oito cursos dos que se entregaron hoxe os diplomas supuxeron ás arcas locais un desembolso duns 80.500 euros, aos que hai que sumar o custe de persoal e de mantemento das instalacións nas que se impartiron. Os diplomas entregados hoxe correspóndense cos cursos de Prevención de Riscos Laborais –remataron un total de 32 persoas-; Medio Ambiente no Naval e Prevención de Riscos no Naval -22 diplomas-; Conversa en inglés -6-; Panadería e Bolería -13-; Soldadura MAG -8-; Conservación de vivendas (Pintura) -6- e Peón forestal -8-. Estas accións enmárcanse na área de Formación, se ben no que respecta á de Mocidade, entregáronse os diplomas de Peixeiro/a -12 persoas-. A concelleira naronesa recordou que “afortunadamente algúns dos vosos compañeiros e compañeiras que remataron estes cursos están xa traballando, un feito que nos anima a continuar nesta liña para ofrecer á veciñanza de Narón a maior oferta posible de cursos a través do programa formativo municipal, ao tempo que para contribuír a mellorar as súas opcións no actual mercado laboral”. Natalia Hermida agradeceu no acto a colaboración prestada polas empresas nas que o alumnado destes cursos realiza a parte práctica das sesións e tamén a do persoal da área de Formación do Concello pola súa implicación. A alcaldesa da cidade asegurou que “o compromiso do Concello en materia de formación continúa vixente, porque esta é precisamente unha das áreas prioritarias para o goberno local desta cidade”. Ferreiro e Hermida animaron ao alumnado dos diferentes cursos a continuar ampliando a súa formación para, finalmente, proceder á entrega dos diplomas.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
naron.gal