Concello de Narón
  • Concello de Narón
  • El tiempo en Narón
  • Entrada a Naronmail
Noticias
O PAZO DA CULTURA ACOLLEU UN CURSO DE MÉTODOS DE PROGRAMACIÓN E ILUMINACIÓN PARA ESPECTÁCULOS
Unha trintena de profesionais no sector acudiron ás sesións, organizadas polo Padroado da Cultura e para as que se prevé unha segunda edición
Narón, 6 de febreiro de 2018. O Pazo da Cultura de Narón acolleu un curso sobre Métodos de programación e iluminación para espectáculos ao que asistiron unha trintena de técnicos que se adican profesionalmente ás artes escénicas, concretamente ao sector da iluminación. As sesións, organizadas polo Padroado da Cultura, comezaron a desenvolverse na xornada de onte e rematarán mañá, ao tratarse dun total de vinte e catro horas formativas, entre as teóricas e as prácticas. Como programar un concerto, sistemas de iluminación ou manexo de focos móbiles son algúns dos temas sobre os que profundizaron estes días as persoas que acudiron ao curso, que a maiores da parte teórica encárganse na práctica de levar a cabo a programación de iluminación dun concerto, programando tódolos equipos de iluminación existentes na montaxe. Diego García é o técnico que imparte este curso, ao que ademais de profesionais na materia de Narón acuden tamén outros procedentes de concellos galegos como Vigo, Santiago ou Rianxo, entre outros, e tamén doutras comunidades autónomas, como Madrid. García é deseñador e técnico de iluminación de xiras a nivel nacional e internacional de recoñecidos grupos de música, como Fangoria, Leiva, Vetusta Morla, etc. O carácter das sesións é eminentemente práctico e o alumnado traballa nunhas mesas con ordenadores instaladas fronte a unha montaxe de iluminación estándar para concertos, que se instalou provisionalmente no escenario do Pazo da Cultura. O concepto musical, a pre-programación, a configuración da mesa e a programación son parte dos contidos que abordaron durante estes tres días neste curso, tal e como apuntou García. A convocatoria obtivo unha moi boa resposta a nivel de participación, polo que o Padroado da Cultura está xa pensando en convocar unha segunda edición. As prazas dispoñibles non foron suficientes para atender á demanda rexistrada, xa que o curso que se imparte na cidade é o primeiro destas características que se realiza este ano na zona, donde eran máis habituais os relacionados coa temática do son, e non da iluminación como é este caso.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal