Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Novas
 
ESCOLARES DO CEIP PIÑEIROS ASISTIRON NAS INSTALACIÓNS DO SPEIS A SESIÓNS DE PRIMEIROS AUXILIOS E UN OBRADOIRO DE TRAMPEO CONTRA A VESPA VELUTINA
ESCOLARES DO CEIP PIÑEIROS ASISTIRON NAS INSTALACIÓNS DO SPEIS A SESIÓNS DE PRIMEIROS AUXILIOS E UN OBRADOIRO DE TRAMPEO CONTRA A VESPA VELUTINA
O edil de Protección Civil e Seguridade Cidadá, Guillermo Sánchez Fojo, acompañou ao grupo que participou na primeira quenda desta iniciativa, impulsada a través do Concello
Narón, 21 de marzo de 2018. Un grupo de vinte escolares do colexio de Piñeiros visitou esta mañá as instalacións do Servizo de Prevención, Extinción de Incendios e Salvamento de Narón (Speis), no polígono industrial de Río do Pozo. O concelleiro de Protección Civil e Seguridade Cidadá, Guillermo Sánchez Fojo, desprazouse tamén á base do Speis para acompañar aos escolares na que foi a primeira visita dun ciclo no que irán pasando polas citadas instalacións outros escolares da cidade nos vindeiros meses. “O obxectivo desta iniciativa é concienciar aos nenos e nenas sobre o xeito de actuar ante determinadas incidencias, tanto dentro como fóra da casa, ou en casos de lumes, esvaecementos… para ensinarlles qué teñen que facer ante estas situacións”, explicou Sánchez Fojo. O edil avanzou que a vindeira quenda de visitas, enmarcadas no marco do Programa Municipal de Recursos Educativos de Apoio á Escola –actividades en horario lectivo- a través do Servizo Sociocomunitario Municipal, se realizará despois das vacacións de Semana Santa, concretamente o día 4 de abril, no mesmo horario que hoxe, entre as 9.30 e as 11.30 horas.
Á súa chegada ás instalacións do Speis, os rapaces e rapazas viron un vídeo, Sam o bombeiro, no que se amosan diferentes situacións de risco, como un incendio xerado por unha plancha ou alimentos que se están cociñando; situacións perigosas na praia, etc. e no que se explica o procedemento a seguir en cada caso dun xeito sinxelo e moi práctico. A continuación o grupo, dividido en dous, percorreu as dependencias do Speis de Narón. Tamén en dúas quendas recibiron información sobre que facer no caso de atopar unha persoa que non esperta e que parece que está durmida, seguindo paso a paso o procedemento habitual nestes casos, e incluíndo na sesión prácticas como as manobras de Reanimación Cardiopulmonar (RCP) cos bonecos cos que imparte a formación o equipo do Speis.
Nunha segunda parte da visita os menores viron outra proxección na que se explica o programa de prevención contra a vespa velutina. Atentos ás explicacións ofrecidas desde o Speis, as nenas e nenos do colexio de Piñeiros aprenderon a realizar unha trampa artesanal cunha botella de plástico, e incluso levaron unha para colocar no seu colexio. Os escolares interesáronse na charla por varias cuestións relacionadas coas vespas velutinas e comprometéronse a colocar algunhas trampas artesáns na localidade.
Antes de rematar a visita os rapaces e rapazas tiveron a oportunidade de probar un casco dos que utiliza en servizo o persoal do Speis e tamén de ver o material que levan nos camións para actuar ante as emerxencias.
“O Concello de Narón xa foi pioneiro en levar a Educación Viaria aos centros educativos da cidade e agora consideramos que con este programa de visitas temos unha oportunidade excelente para que as nenas e os nenos aprendan desde pequenos cuestións básicas relacionadas cos primeiros auxilios para poder actuar ante unha emerxencia”, subliñou Sánchez Fojo. Así mesmo, o edil naronés destacou que “aproveitando este programa tamén lles ensinamos o perigo que representan as vespas velutinas tanto para as persoas como para o medio ambiente, e por iso lles ensinamos a facer trampas artesáns coas que contribuír á súa erradicación”.



Últimas novasu Tódalas novas

<<< Setembro 2018 >>>

LMMXVSD
 
1
2
4
5
7
8
9
10
11
12
14
15
16
19
21
22
23
25
26
28
29
30
Eventos do Concello
   
 
Concello de Narón - Aviso legal