Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO INICIA A CAMPAÑA "A TÚA VELLA BICI VALE UN SORRISO" DE RECOLLIDA DE BICICLETAS E PATINETES
O concelleiro de Seguridade Cidadá e Transporte Público, Guillermo Sánchez Fojo, indicou que se poden entregar ata o 21 de decembro na Oficina de Educación Viaria do Concello e nos centros escolares da cidade
Narón, 27 de novembro de 2018. O Concello de Narón inicia un ano máis a campaña “A túa vella bici vale un sorriso”, de recollida de bicicletas que se doarán a persoas con escasos recursos. O concelleiro de Seguridade Cidadá e Transporte Público, Guillermo Sánchez Fojo, indicou que as persoas que queiran colaborar poden doar as bicicletas –tamén estáticas- e, este ano como novidade patinetes, ata o vindeiro 21 de decembro. Os puntos de recollida das bicis e patinetes son a Oficina de Educación Viaria do Concello de Narón –na entrada principal- e calquera dos colexios do termo municipal. “O que si solicitamos a aquelas persoas que participen é que entreguen tanto as bicicletas como os patinetes no mellor estado de conservación posible”, apuntou o edil, que explicou que “o equipo de Educación Viaria e algúns voluntarios encargaranse igual que en anos anteriores de reparar aquelas que se entreguen con algún desperfecto”. As bicis e os patinetes doados entregaranse a familias con escasos recursos económicos, a través do Centro de Recursos Solidarios de Narón e tamén de Cáritas. “Ás unidades que non se entreguen de cara á campaña de Nadal, no caso de que non se esgoten, trataremos de darlles saída nos centros escolares, para que as utilicen os docentes e tamén os nenos e nenas, en función do modelo”, apuntou Sánchez Fojo. O edil naronés animou ás familias de Narón ou doutros concellos a participar na campaña “A túa vella bici vale un sorriso”, co fin de “que tanto as bicicletas como os patinetes que xa non utilizan nas súas casas poidan ter unha segunda vida ao entregarllas a persoas que non poden compralas” e destacou que con iniciativas como esta “pódese colaborar nunha nova campaña solidaria impulsada desde o Concello de Narón”.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal