Narón, 27 de marzo de 2019. Unha vintena de escolares de educación Infantil do CPR Santiago Apóstol visitaron onte o Concello. Os nenos e nenas realizaron un pequeno percorrido polo edificio para coñecer parte das dependencias municipais para, a continuación, visionar o vídeo Nara de Narón e, unha vez rematada a proxección, reunirse coa alcaldesa da cidade, Marián Ferreiro, no salón de plenos. Os menores interesáronse polo traballo que realiza Ferreiro á fronte do Concello e tamén por futuros proxectos para os nenos e nenas que se levarán a cabo na cidade, sobre os que a alcaldesa lles avanzou algunha proposta. Antes de dar por rematada a visita os escolares recibiron un agasallo en recordo da súa visita ao Consistorio.