Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
OS ESPECTÁCULOS DO PROGRAMA "N DE NARÓN: A FESTA DAS LETRAS" TRASLÁDANSE AO PAZO DA CULTURA
OS ESPECTÁCULOS DO PROGRAMA
A previsión de choiva levou a modificar a ubicación prevista para a programación deseñada polo Concello para o vindeiro 17 de maio, Día das Letras Galegas
Narón, 15 de maio de 2019. A programación de “N de Narón: A festa das Letras” deseñada polo Concello con motivo do Día das Letras Galegas trasladarase ao hall do Pazo da Cultura. As previsións de mal tempo para a xornada do venres, día 17, fixeron modificar a ubicación, prevista inicialmente na Praza da Lectura, en Santa Icía. Desde o Concello recordan que se trata dunha proposta con numerosos espectáculos e obradoiros durante a mañá e a tarde do vindeiro venres dirixidas a todo tipo de públicos.
A programación iniciarase cun espectáculo de maxia, a cargo do ilusionista Martín Camiña, sobre a vida de Antonio Fraguas, escritor natural de Pontevedra e ao que este ano se adica o Día das Letras Galegas. “Antonio… Fraguas unhas ilusións con nós?” é o título do espectáculo, que comezará ás 12.00 horas. Un pouco máis tarde, sobre as 13.00 horas, actuarán Fantoches Baj (Inacio e Carlos Quintá), que protagonizarán o espectáculo “Os romeiros do caracol”, sobre un estudo das romarías de Antón Fraguas. O santuario de San Andrés de Teixido centra esta peza, sobre cuxas peregrinacións, cancións, lendas… escribiu Fraguas na obra Romarías e Santuarios de Galicia. Os irmáns Quintá levan ao seu defunto avó, tal e como lle prometeran, a San Andrés en forma de caracol e volven á casa tras cumprir a ofrenda nunha caravana caracol que lles serve de teatriño de títeres para contar historias que viron e escoitaron eles mesmos en San Andrés.
Pola tarde, ás 17.30 horas terá lugar o espectáculo Nono, da compañía Pistacatro. Marionetas, malabares e clown forman parte desta proposta na que o humor cobrará especial relevancia e ás 18.30 horas, será o turno de María Fumaça, co espectáculo “As que máis molan”.
As persoas que se acheguen ao Pazo da Cultura terán a oportunidade, durante todo o día –de 12.00 a 14.00 e de 17.00 a 19.30 horas, de participar nas propostas ofertadas desde Garabato de Xogo, Espazo percubebé, A Alfombra máxica e mesmo un espazo de Xogo libre.
Co gallo do Día das Letras Galegas tamén haberá un stand propio da Biblioteca municipal e dous das librarías Day e Galicia, onde se poderán ver as últimas novidades de publicacións en galego, e tamén obras do autor homenaxeado este ano o 17 de maio, Antonio Fraguas.



Últimas novasu Tódalas novas

<<< Maio 2019 >>>

LMMXVSD
 
1
3
4
5
6
7
8
10
11
12
13
14
15
17
18
19
22
24
25
26
28
29
31
 
Eventos do Concello
   
 
Concello de Narón - Aviso legal