Narón, 9 de xuño de 2019. Unha das unidades móbiles da Axencia de Doazón de Órganos e Sangue (ADOS) desprazarase dous días da vindeira semana á cidade. Na xornada de mañá, luns, o vehículo localizarase nas inmediacións do centro de saúde en horario de tarde, entre as 15.30 e as 21.00 horas, se ben o martes, día 11, a unidade móbil estará na Solaina, xunto á Praza da Constitución, de 9.30 a 14.30 e dende as 15.30 ata as 21.00 horas. As persoas que vaian a doar sangue deben almorzar e despois de xantar terán que deixar pasar dúas horas antes de realizar a doazón. Así mesmo, deberán levar a tarxeta de doador, o DNI ou un documento similar e tamén terán que informar ao persoal médico da unidade móbil no caso de que estean tomando algún medicamento.