Concello de Narón
  • Concello de Narón
  • El tiempo en Narón
  • Entrada a Naronmail
Noticias
O PROGRAMA CINE DE VERÁN CONTINÚA ESTA SEMANA COAS PROXECCIÓNS DE "MAGO DUBIDOSO" E "OS FENÓMENOS"
A sesión de mañá terá lugar na pista polideportiva de Pedroso e a prevista para o xoves na de San Mateo
Narón, 9 de xullo de 2019. As pistas polideportivas de Pedroso e San Mateo acollerán mañá e o xoves, respectivamente, as dúas vindeiras sesións do ciclo Cine de Verán, impulsado a través do Concello de Narón. Estas proxeccións de películas nunha gran pantalla e ao aire libre son de balde e darán comezo ás 22.30 horas. Na xornada de mañá proxectarase o filme Mago dubidoso, realizado en Galicia. Trátase dunha película de animación, en 2D, que parte dunha adaptación dunha novela do escritor Roque Cameselle. O barco de Pedro Cabaledo sofre un atraco duns piratas e o seu fillo, Bieito Dubidoso, que é mago, consigue que foxan. Cos seus trucos de maxia o neno recibe o recoñecemento dos veciños e veciñas pero tamén terá algún inimigo. A vindeira cita co cine ao aire libre será o xoves, día 11, en San Mateo, donde se proxectará Os fenómenos. Lola Dueñas e Luis Tosar forman parte do elenco desta película, cuxo argumento protagoniza unha muller que reside en Almería co seu home e o fillo de ambos e que tras un inesperado acontecemento regresa á súa vila natal, Ferrol, para escapar dun pasado moi tormentoso. O programa Cine de Verán continuará a vindeira semana na cidade, donde se poderán ver as películas Maimiño, o día 17 no entorno do Centro Cívico Social do Val e na Praza de Galicia o día 18, coa proxección de Soño dunha noite de San Xoán.

<<< Agosto 2022 >>>

LMMXVSD
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
www.naron.es