Narón, 9 de Agosto de 2019.- A alcaldesa de Narón, Marián Ferreiro, e o presidente de AFAL Ferrolterra, Francisco Pantín, asinaron hoxe un convenio de colaboración en materia de Acción Social co obxectivo de regular o marco de cooperación entre o Concello de Narón e a entidade AFAL Ferrolterra para o desenvolvemento de actividades no ámbito da acción social co colectivo de persoas enfermas de Alzheimer e outras demencias, así como as súas familias, por un importe de 6.000 euros. Á firma do acordo asistiu a concelleira de Benestar Social, Catalina García.