Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
PRETO DUN CENTO DE IMAXES OPTARON AOS PREMIOS DO "X CONCURSO DE FOTOGRAFÍA CIDADE DE NARÓN"
PRETO DUN CENTO DE IMAXES OPTARON AOS PREMIOS DO
Os tres premios deste concurso entregaranse o vindeiro mes de novembro no Concello e as doce imaxes mellor puntuadas ilustrarán o calendario de sobremesa do Concello do ano 2020
Narón, 30 de outubro de 2019. A concelleira de Turismo, Natalia Hermida, avanzou que un total de noventa e dúas imaxes optaron este ano aos premios da décima edición do Concurso de Fotografía Cidade de Narón organizado polo Concello. As imaxes foron realizadas por trinta e catro persoas, maioritariamente de Narón -17 do total- e Ferrol -9-, aínda que tamén se presentaron ao certame veciñas e veciños dos concellos de Fene, Mugardos, A Coruña, A Capela, San Sadurniño, Ames, Pontedeume e Neda, tal e como indicou Hermida.
O xurado que valorou as imaxes, do que formaban parte tres fotógrafos profesionais, Carlos Carballeira, Kiko Delgado e Jesús Taboada, reuniuse para puntuar as fotografías deste concurso, seleccionando as doce que pasarán a ilustrar o calendario de sobremesa que editará o Concello para o ano 2020. O fallo do xurado darase a coñecer o vindeiro mes de novembro nun acto que terá lugar no propio Consistorio e no que se procederá a entregar os premios desta edición do certame.
O autor ou autora da fotografía que acadou a maior puntuación do xurado –valorando a creatividade, a calidade e a orixinalidade, cun máximo de dez puntos cada unha destas áreas– obterá un premio en metálico de 750 euros; se ben a segunda e terceira imaxes máis valoradas recibirán un premio de 300 e 150 euros, respectivamente. A área humana e social (deportes, industria, festas populares), espazos naturais e de interese cultural, de lecer e patrimonio formaban parte das temáticas deste certame. As imaxes presentáronse baixo seudónimo, podendo consultarse o listado a través do enlace: http://www.naron.es/web/docs/Ganadores-de-X-Concurso-de-Fotografia-Cidade-de-Naron.pdf.
O prazo de entrega de imaxes para o X Concurso de Fotografía Cidade de Narón permaneceu aberto entre os días 16 de setembro e 11 de outubro. A concelleira de Turismo da cidade agradeceu a tódolos participantes o seu respaldo a este certame, “a través do que ano tras ano contribuímos a dar a coñecer un pouco máis algún espazo ou actividade que se leva a cabo en Narón ao longo do ano”.



Últimas novasu Tódalas novas

<<< Novembro 2020 >>>

LMMXVSD
 
1
2
3
4
6
7
8
9
10
11
13
14
15
18
21
22
23
24
25
27
28
29
30
 
Eventos do Concello
   
 
Concello de Narón - Aviso legal