Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
O CONCELLO INICIA A CAMPAÑA DE RECOLLIDA DE XOGUETES PARA O CENTRO DE RECURSOS SOLIDARIOS
O CONCELLO INICIA A CAMPAÑA DE RECOLLIDA DE XOGUETES PARA O CENTRO DE RECURSOS SOLIDARIOS
Os xoguetes entregaranse no Nadal a familias con escasos recursos, que previamente deberán presentar unha solicitude no Concello
Narón, 19 de novembro de 2019. O Concello colaborará un ano máis coa asociación Centro de Recursos Solidarios de Narón na Campaña do Nadal de recollida e solicitude de xoguetes para as familias con escasos recursos. As edís de Benestar Social, Catalina García, e Ensino, Mercedes Taibo, presentaron a iniciativa, que permanece xa aberta e que estará operativa ata o vindeiro 20 de decembro (incluído).
As persoas que poidan colaborar aportando xoguetes poden facelo, tal e como avanzou Taibo, nas instalacións da Biblioteca municipal do Alto –de luns a venres entre as 9.30 e as 13.30 e de 16.00 a 21.00 horas e os sábados entre as 10.00 e as 13.00-; nas Escolas Infantís Municipais da Solaina, Piñeiros e A Gándara, nos centros de ensino de Narón, na Academia September (estrada de Castela, 833, baixo); en Calzados Mara (avenida Souto Vizoso, 3); no Centro Comercial Narón (estrada de Castela, 24), no parque infantil Burbujas (rúa Cataluña, 23-25) e no propio Centro de Recursos Solidarios de Narón (avenida do Mar, 115, no polígono da Gándara). “Os xoguetes, como cada ano, almacenaranse no Centro de Recursos Solidarios, clasificaranse coa axuda de voluntarios –entre os que se atopará persoal da residencia DomusVi Narón, que colaborará tamén facendo os lazos dos paquetes de regalo- e envolveranse para que os nenos e nenas de familias con menos recursos económicos poidan contar con xoguetes no Nadal, previa solicitude”, explicou Taibo.
Sobre a entrega, a edil Catalina García indicou que as familias interesadas en solicitar os xoguetes deben presentar unha solicitude no Rexistro Xeral do Concello –tamén ata o 20 de decembro- adxuntando fotocopias do D.N.I. do solicitante, da persoa que recollerá os xoguetes (de non ser a mesma), do libro de familia do menor e xustificación das prestacións recibidas (Seguridade Social, Xunta, INEM…). “Os xoguetes entregaranse ás familias o día 4 de xaneiro, uns días antes de Reis, entre as 16.30 e as 20.30 horas nas instalacións do Centro de Recursos Solidarios de Narón”, indicou a edil de Benestar Social.
Así mesmo, as edís naronesas compartiron un chamamento realizado dende o CRS de Narón para que as persoas que poidan colaboren como voluntarias nesta campaña de recollida de xoguetes. Para facelo deben poñerse en contacto co correo electrónico: crsnaron@gmail.com ou chamar aos números de teléfono: 634 555 663; 881 308 349 ou 722 724 782.
Dende o goberno local incidiuse na importancia de que “os xoguetes estean nas mellores condicións posibles, conservando todas as pezas e, de ser posible, no embalaxe orixinal, así como en óptimas condicións de hixiene, no caso de peluches ou bonecos”.



Últimas novasu Tódalas novas

<<< Decembro 2019 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
27
28
29
30
31
 
Eventos do Concello
   
 
Concello de Narón - Aviso legal