Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
DECLARACION INSTITUCIONAL CON MOTIVO DO 30 ANIVERSARIO DAS PRIMEIRAS ELECCIONS MUNICIPAIS
Narón, 3 de Abril de 2009.- O Concello de Narón sumouse na data de hoxe á declaración institucional emitida pola FEMP (Federación Española de Municipios e Provincias) para conmemorar o 30 aniversario das primeiras corporacións democráticas en España.

A declaración conta co respaldo dos grupos municipais de Terra Galega (TEGA), Partido Popular (PP) e PSdeG-PSOE, e o seu texto dí así:


“O 3 de abril de 1979 celebráronse as primeiras eleccións municipais democráticas, ao abeiro da recentemente aprobada Constitución de 1978.

A cidadanía entraba por primeira vez nos concellos, nas deputacións, nos cabidos e nos consellos insulares, os seus gobernos máis próximos, e pasaron a dirixilos. Foron os protagonistas do proceso de normalidade democrática que daba comezo no noso país.

Aquelas eleccións foron o comezo real da gran transformación política, social e económica de España e do período máis longo de progreso e de convivencia en liberdade da nosa historia.

Os primeiros concellos democráticos foron o escenario do desenvolvemento e a consolidación da democracia, da participación política, da consolidación dos dereitos da cidadanía pero tamén da implantación e da extensión de servizos, agora universais, que contribuíron a aumentar o benestar e a calidade de vida das persoas.

Os gobernos locais españois foron os principais motores do cambio social e os impulsores dos avances máis importantes que viviu España.

Nestes trinta anos, miles de homes e mulleres dedicaron as súas ilusións, o seu tempo e os seus coñecementos a representar con dedicación e

responsabilidade aos seus veciños. Miles de persoas que, na súa condición de representantes públicos locais, concelleiros e concelleiras e alcaldes e alcaldesas, contribuíron co seu traballo á defensa da liberdade, pola convivencia e pola igualdade de oportunidades, valores supremos do sistema democrático. En especial, queremos manifestar o noso recoñecemento e solidariedade con todos aqueles que sufriron e sofren a ameaza terrorista de ETA e tamén o recordo emocionado de todos os nosos compañeiros asasinados por defender as liberdades e a democracia.

Os gobernos locais españois participaron de forma activa na transformación dun estado centralista e totalitario cara a un Estado de Dereito, descentralizado e participativo. Como parte esencial do novo estado democrático, as institucións locais contribuímos de forma activa á súa construción, fomos tamén responsables, coa sociedade e cos demais poderes públicos, da súa consolidación, nun claro exercicio de compromiso, de lealdade e de xenerosidade institucional.

Trinta anos despois, os gobernos locais españois aínda non temos o lugar institucional que a Constitución esixe. O Estado evolucionou, pero non o suficiente para aproveitar todo o potencial de solvencia, eficacia e eficiencia dos gobernos locais, pola súa proximidade aos cidadáns e pola súa capacidade de resposta rápida ás súas demandas.

Chegou a hora dos gobernos de proximidade. Somos tan Estado como os demais poderes públicos, pero coa vantaxe de que estamos máis preto da cidadanía.

Demostramos, durante 30 anos, a nosa capacidade de compromiso e eficacia coa execución de miles de obras públicas municipais financiadas con fondos propios ou da Unión Europea, e na actual conxuntura económica con cargo ao Fondo Estatal de Investimento Local.

Consideramos necesario dotarnos de instrumentos que nos permitan paliar o actual déficit existente de representación institucional do poder municipal, especialmente nos ámbitos de discusión e negociación dos modelos de financiamento.

Nesta lexislatura, temos que contar cun novo modelo de financiamento local, común para todo o territorio nacional, dotado dunha adecuada participación tanto nos tributos do Estado (PIE), como nos das comunidades autónomas (PICAS), suficiente e estable para satisfacer as demandas e necesidades reais dos cidadáns e que debe ser elaborado e acordado coa FEMP de forma simultánea e vinculada ao acordo de financiamento coas comunidades autónomas.

Financiamento local que debe ser coherente e ir acompañado pola aprobación nas Cortes Xerais dun “Estatuto Básico do Goberno Local” que defina de forma clara as competencias reais dos concellos, deputacións, cabidos e consellos insulares, conforme ao exercicio dos principios de autonomía e subsidiaridade.

Transcorridos 30 anos da posta en marcha e desenvolvemento de políticas públicas locais, que transformaron o perfil das nosas vilas e cidades, temos no noso horizonte importantes retos, que queremos afrontar con forza e decisión, desde a responsabilidade e desde a confianza que nos outorgan a masiva participación cidadá nas sucesivas convocatorias electorais, que nos fan renovar o noso firme compromiso cívico de progreso e cohesión social”.



Últimas novasu Tódalas novas

<<< Outubro 2020 >>>

LMMXVSD
 
2
3
4
5
6
7
9
10
11
12
13
14
16
17
18
21
23
24
25
27
28
30
31
 
Eventos do Concello
   
 
Concello de Narón - Aviso legal