Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
UNANIMIDADE DA CORPORACIÓN LOCAL NA APROBACIÓN DO REGULAMENTO DE MODALIDADES DE TRABALLO PARA O FOMENTO DO TELETRABALLO NO CONCELLO
UNANIMIDADE DA CORPORACIÓN LOCAL NA APROBACIÓN DO REGULAMENTO DE MODALIDADES DE TRABALLO PARA O FOMENTO DO TELETRABALLO NO CONCELLO
Na sesión celebrada esta tarde saíu adiante unha declaración institucional sobre o Día Internacional contra a violencia de xénero
Narón, 26 de novembro de 2020. Na sesión plenaria desta tarde aprobouse de xeito definitivo e por unanimidade o Regulamento de Modalidades de traballo para o fomento do teletraballo no Concello de Narón, que ten entre os seus obxectivos acadar un modelo diferente de servizo público na administración no que se optimice a relación entre o tempo e o traballo e que contribúa a facilitar a conciliación da vida persoal e familiar. De igual xeito, ante situacións como a pandemia sanitaria da Covid-19 esta modalidade concíbese tamén como unha vía preventiva de posibles contaxios. Na normativa aprobada especifícase que o obxecto do teletraballo é establecer formas de organización do traballo que permitan acadar modalidades de prestación de servizos diferentes á presencial, fóra das dependencias da administración utilizando as novas tecnoloxías da información e comunicación.
Poderá acollerse ao sistema de teletraballo persoal funcionario e laboral que preste servizos no Concello ou organismos dependentes e cuxo posto sexa susceptible de desempeñarse a través desta modalidade. No regulamento especifícase o procedemento de acceso ao teletraballo, os requisitos, organización, sistema de control horario, entre outros, como o sistema de acceso, a solicitude do/a empregado/a ou por necesidades do servizo e con carácter voluntario e reversible. O Regulamento entrará en vigor ao día seguinte de publicalo no BOP.
A corporación local levou ao pleno unha Declaración Institucional do 25 de novembro, Día Internacional contra a violencia de xénero. Todos os grupos políticos representados no Concello manifestaron o seu compromiso a través deste documento como administración pública “para liderar a loita contra a violencia machista mediante accións dirixidas a promover a igualdade entre mulleres e homes, como un valor incuestionable para unha sociedade que se sustenta sobre o dereito irrenunciable á igualdade e dignidade de todas as persoas”.
A través desta declaración institucional a corporación local insta á Xunta e ao Goberno do Estado a incrementar os recursos económicos destinados a loitar contra a violencia machista nos orzamentos de 2021 e dotar de recursos para prevención e tratamento integral da violencia de xénero, así como co Pacto de Estado contra a violencia de xénero. A modificación da lei avanzando nunha definición de violencia machista máis alá do enfoque patriarcal e reduccionista que a limita ao ámbito familiar e de parella, a mellora dos puntos de encontro coas crianzas e a posta en marcha dende as autoridades sanitarias de mecanismos para manter a seguridade sanitaria nas casas de acollida son outras das demandas.
No apartado de mocións aprobouse a presentada polo PSOE para instar á Xunta a elaborar un novo modelo eólico integral no que participen todos os sectores implicados e que contemple unha serie de propostas nos ámbitos económico, de transparencia e participación, ambiental, e da planificación en coordinación co goberno do Estado.
A maiores aprobouse por unanimidade unha moción do PP instando ao goberno a ingresar as contías do IVE non liquidadas correspondentes ao exercicio de 2017 -405.551 euros, segundo se recolle no documento- como consecuencia da implantación do Suministro Inmediato de Información. Na mesma, cunha enmenda presentada polo PSOE tamén se insta á Xunta a habilitar un fondo para entidades locais pola Covid-19 e ao Goberno central a un fondo extraordinario con este mesmo fin, entre outros puntos.
Saíu tamén adiante na sesión unha moción do BNG instando á Xunta a demandar do Goberno central a reposición de servizos de tren suprimidos, un plan de mellora ferroviaria e a creación do ente ferroviario galego. A este documento engadiuselle unha enmenda presentada polo PP para reclamar a coordinación entre Renfe e Alsa, a potenciación dun tren de proximidade na comarca e a construción dun apeadoiro na Gándara, entre outras medidas.
Finalmente, acordouse que a moción do PSOE e BNG sobre a defensa da Memoria Histórica Democrática, á que se lle engadiu unha enmenda presentada polos populares, saíse adiante como declaración institucional.
Ao remate da sesión a corporación local amosou o seu apoio ao pobo saharaui tras darse por rematado o cesamento do fogo con Marrocos. Dende o Concello incidiuse na necesidade de normalizar a situación do Sáhara Occidental e de defender a súa liberdade.



Últimas novasu Tódalas novas

<<< Xaneiro 2021 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
   
 
Concello de Narón - Aviso legal