Narón, 30 de novembro de 2020. Unha das unidades móbiles para a inspección técnica de vehículos agrícolas desprazarase a finais do vindeiro mes de decembro ás parroquias do Val e Pedroso. As persoas interesadas en acudir poden solicitar cita previa chamando ao número de teléfono 902 309 000 ou a través da páxina web: www.sycitv.com. A unidade móbil estará o día 21 de decembro no campo da festa de Pedroso, donde permanecerá operativa en horario de 9.00 a 13.30 e de 15.15 a 18.00. Os días 22 e 23 ubicarase na zona do estacionamento da cooperativa do Val, con horario de atención o día 22 tamén de 9.00 a 13.30 e de 15.15 a 18.00 e o último día, o 23, tan só en horario de mañá, de 9.00 a 13.30 horas.