CORTE NO SUBMINISTRO DE AUGA NAS PARROQUIAS DE CASTRO E SAN XIAO PARA EXECUTAR OBRAS DE MANTEMENTO NA REDE
O edil de Servizos, Ibán Santalla, anunciou que o subministro se cortará entre as 23.00 horas do vindeiro xoves día 14 e as 05.00 horas do venres 15
Narón, 12 de xaneiro de 2021. O concelleiro de Servizos, Ibán Santalla, anunciou que a empresa do servizo municipal de abastecemento de Narón, Cosma, cortará dende o vindeiro xoves, día 14, ás 23.00 horas o subministro de auga ata as 05.00 horas do venres día 15 nas parroquias de Castro e San Xiao.
A medida responde á necesidade de levar a cabo labores de mantemento na rede de abastecemento desas dúas parroquias, tal e como explicou Santalla, que solicitou de antemán desculpas á veciñanza polas molestias que poida ocasionar.