Narón, 19 de xaneiro de 2021. Unha unidade móbil da Axencia para a Doazón de Órganos e Sangue (ADOS) estará estacionada o vindeiro xoves, día 21, nas inmediacións do centro de saúde do Alto, na rúa 25 de Xullo, donde se poderá doar entre as 9.30 e as 14.30 e de 16.00 a 21.00 horas. Dende ADOS avanzaron que tamén se poderá doar sangue nunha das unidades móbiles o vindeiro luns, día 25, nas inmediacións da cooperativa do Val, donde permanecerá o vehículo en horario de mañá, entre as 9.30 e as 14.30 horas. Para poder doar sangue é preciso almorzar previamente e, no caso de xantar, esperar dúas horas ata acudir a realizar a extracción. Unha vez na unidade móbil deberase presentar a tarxeta de doazón, o DNI ou algún documento similar e informar ao médico no caso de que estea tomando algún medicamento. O persoal das unidades móbiles de ADOS e dos locais de doazón segue estritos protocolos de seguridade con motivo da actual situación sanitaria derivada da Covid-19.