Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO DESTINARÁ UNHA PARTIDA DE 175.000 EUROS AO CONVENIO DA XUNTA PARA CONCEDER AXUDAS AO SECTOR HOSTALEIRO LOCAL
A alcaldesa, Marián Ferreiro, avanzou que o convenio someterase a aprobación no pleno ordinario que se celebrará o vindeiro xoves no Concello
Narón, 26 de abril de 2021. A alcaldesa, Marián Ferreiro, presidiu esta mañá a Xunta de Portavoces na que saíu adiante o ditame sobre a proposta de aprobación do convenio de adhesión coa Vicepresidencia PRimeira e Consellería de Presidencia, Xustiza e Turismo, a Consellería de Emprego e Igualdade e os concellos de Galicia para a concesión de axudas ao sector da hostalería cuxos negocios quedaron afectados polos peches derivados da covid-19. Ferreiro avanzou que o Concello aportará 175.000 euros para complementar as axudas do programa autonómico dirixido á hostalería co fin de que se destinen ás empresa de Narón que tramitaron as pertinentes solicitudes. A rexedora local incidiu no feito de que “dende o goberno local continuaremos apoiando todas as medidas necesarias para axudar na medida do posible a aqueles sectores afectados polas restricións derivadas da covid-19”. Ao respecto recordou a posta en marcha do plan Narón Impulsa, dotado con tres millóns de euros e tamén a adhesión do Concello ao programa Pel Reactiva da Deputación da Coruña, dotado con 457.292 euros, e en ambos casos destinados a axudar a empresarios/as e autonómos/as con firmas asentadas na cidade. O Concello de Narón complementará agora con 175.000 euros a liña de axudas á hostalería da Xunta para a que se presentaron dende a cidade un total de 175 solicitudes. Autonómos, persoas físicas ou con persoal contratado por conta allea ao seu cargo, microempresas e pemes do sector hostaleiro son os destinatarios destas axudas, tal e como se especifica no documento. Das 175 axudas solicitadas na liña autonómica de apoio á hostalería, concedéronse 114, se ben as 61 restantes están aínda pendentes. Con cargo aos 175.000 euros que aportará o Concello todos os solicitantes das axudas recibirán a maiores da achega económica procedente da administración autonómica unha partida de 1.000 euros. “A situación que atravesa o sector hostaleiro continúa sendo complicada, ao levar máis dun ano baixo unhas restricións que aínda continúan parcialmente e que merman considerablemente os ingresos destes establecementos, polo que dende o Concello queremos continuar axudando a aminorar, na medida do posible, esas perdas que arrastran dende que se decretou o estado de alarma”, recalcou Ferreiro.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal