Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
O CONCELLO HOMENAXEOU AO PERSOAL VOLUNTARIO QUE ELABOROU OS CUBREBOCAS TRALO INICIO DA PANDEMIA POLA COVID-19
O CONCELLO HOMENAXEOU AO PERSOAL VOLUNTARIO QUE ELABOROU OS CUBREBOCAS TRALO INICIO DA PANDEMIA POLA COVID-19
A alcaldesa, Marián Ferreiro, e as edís de Benestar Social e Igualdade, Catalina García e Mar Gómez, respectivamente, acudiron á convocatoria celebrada onte no Auditorio municipal
Narón, 1 de maio de 2021. A alcaldesa, Marián Ferreiro, e as edís de Benestar Social e Igualdade, Catalina García e Mar Gómez, respectivamente, acudiron a última hora da tarde de onte ao Auditorio con motivo da homenaxe que se ofreceu dende o Concello ás persoas voluntarias que elaboraron os cubrebocas tras decretarse a pandemia pola covid-19 e que se entregaron a diferentes colectivos. Medio centenar de mulleres e homes acudiron á cita na que se proxectou un vídeo en recordo e agradecemento do labor realizado “grazas ao que puidemos axudar a moitas persoas da nosa cidade e dispoñer de milleiros de cubrebocas en moi pouco tempo debido á vosa desinteresada axuda”, tal e como destacou a alcaldesa.
As mulleres e homes que realizaron os cubrebocas dende as súas casas e a persoa que coordinaba a entrega do material para facelos e tamén os recollía para que posteriormente se distribuísen dende o Centro de Recursos Solidarios de Narón recibiron os parabéns das representantes do goberno local e tamén un agasallo institucional de recordo e en recoñecemento ao seu labor.
“Grazas infinitas ás costureiras e costureiros da covid-19 polo voso traballo, esforzo, facer tan doado organizar cada pedido e entrega de material e por construír esta pequena gran familia porque estas accións son as que nos unen, porque sodes un exemplo de solidariedade e servizo á cidadanía”, asegurou García.
Pola súa banda, a edil de Igualdade tamén valorou o traballo que realizaron e destacou a “solidariedade de todas e todos vós á hora de adicar moitas horas do voso tempo cada día a axudar aos demais”.
A alcaldesa dirixiuse tamén a todas as persoas que acudiron á cita e incidiu no agradecemento ao seu labor. “É un orgullo presidir un Concello no que xente como vós desinteresadamente nos axudastes a colaborar nuns momentos de desconcerto nos que vivíamos ante unha situación na que afortunadamente nunca nos víramos”, apuntou. Así mesmo, agradeceu as doazóns de material realizado para facer estes cubrebocas e subliñou que “todas e todos vós formades parte da historia deste Concello, do seu presente e do seu futuro, e estivestes con creces á altura do que require unha situación tan complicada como a que vivimos nese momento e que pouco a pouco vai retornando á normalidade”.



Últimas novasu Tódalas novas

<<< Xaneiro 2022 >>>

LMMXVSD
 
1
2
3
4
5
6
7
8
9
10
11
12
14
15
16
19
21
22
23
25
26
28
29
30
31
 
Eventos do Concello
   
 
Concello de Narón - Aviso legal