Concello de Narón
Espa�ol
Contacto
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
INAUGURADA NO PAZO DA CULTURA A EXPOSICIÓN "OS CINES PERDIDOS DE NARÓN"
INAUGURADA NO PAZO DA CULTURA A EXPOSICIÓN
A alcaldesa, Marián Ferreiro, e os edís de Cultura e Seguridade Cidadá, Guillermo Sánchez Fojo e Román Romero, acompañaron ao comisario da mostra e autor do libro sobre os cines de Narón, Benjamín Hermida
Narón, 5 de maio de 2021. A alcaldesa e presidenta do Padroado da Cultura, Marián Ferreiro, os concelleiros de Cultura, Guillermo Sánchez Fojo e de Seguridade Cidadá, Román Romero, acudiron esta tarde no Pazo da Cultura ao acto inaugural da exposición “Os cines perdidos de Narón”, da que é comisario o Técnico en Museoloxía Benjamín Hermida. A mostra, que hoxe puideron ver as persoas que colaboraron coa doazón ou cesión de material, poderase visitar no horario de apertura das instalacións ata o vindeiro 30 de maio, tal e como recordou Ferreiro.
A exposición ubicouse na entrada do Pazo, cunha antesala que fai referencia aos cines galegos da década dos 80 e cun telón de separación tralo que se atopan máis de seiscentas pezas e imaxes dos dez cines que estiveron operativos nas distintas parroquias e barrios de Narón. Arizona (no lugar de Quintá, no Val), Avenida (Gándara de Sedes), Capitol (Sedes), Castro (no lugar de Nelle), Colón (A Gándara), Dancing (estrada de Castela), Pedroso, Urimare (Xuvia), Virxen do Mar, e Vista Alegre (Doso) foron as salas que estiveron en funcionamento e das que procede o material que se pode ver nesta exposición, doado na súa práctica totalidade ao Concello por parte das familias propietarias do mesmo.
A alcaldesa, Marián Ferreiro, destacou o traballo e o empeño de Hermida para poñer en valor este material e destacou que “grazas a el e a todas as persoas que desinteresadamente colaboraron neste proxecto hoxe en día podemos coñecer boa parte da historia dos dez cines de Narón e tamén ver equipos e distinto material da época”. Así mesmo, valorou o feito de poder reunir na mostra o material e tamén no libro “Os cines perdidos de Narón. Eco dos dez latexos cinematográficos de Narón (1934-1990)”, do que o Concello de Narón editou 500 exemplares. “Dende o primeiro momento quixemos colaborar con este proxecto porque nos permite rescatar parte da historia da nosa cidade”, subliñou a alcaldesa.
Pola súa banda Hermida resumiu o proceso que o levou a recompilar todas as historias que aparecen na citada publicación e destacou a parte humana deste traballo, “da que quixen deixar constancia no libro”. Ademais agradeceu o apoio do Concello naronés, a disposición das familias propietarias dos cines a colaborar e tamén, ao igual que fixo a alcaldesa, dos integrantes do Cineclube Serie B Narón por axudar nas tarefas de traslado e a colocación do material na exposición inaugurada hoxe.
Tras realizar unha pequena representación para os asistentes vencellada á temática do libro e da mostra Hermida acompañou aos representantes do goberno local para explicarlles o contido da exposición, concebida a modo de “túnel” dende o máis antigo ata o máis recente e contou tamén algunhas anécdotas que xurdiron durante as conversas mantidas coas familias que colaboraron no traballo.



Últimas novasu Tódalas novas

<<< Xullo 2022 >>>

LMMXVSD
 
1
2
3
4
5
6
8
9
10
11
12
13
15
16
17
18
20
23
24
25
26
27
29
30
31
Eventos do Concello
   
 
Concello de Narón - Aviso legal