Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
ALUMNADO DO COLEXIO PONTE DE XUVIA ENTREGOU NA BIBLIOTECA O LIBRO "INVENTARIO DE ANIMAIS" REALIZADO POR ALUMNADO DE EDUCACIÓN INFANTIL
ALUMNADO DO COLEXIO PONTE DE XUVIA ENTREGOU NA BIBLIOTECA O LIBRO
A alcaldesa, Marián Ferreiro, e a edil de Ensino, Mercedes Taibo, agradeceron aos menores que entregaran o libro na Biblioteca
Narón, 9 de xuño de 2021. Alumnas e alumnos de sexto curso de Infantil do colexio Ponte de Xuvia entregaron esta mañá na sala Infantil da Biblioteca municipal un libro que eles mesmos, coa axuda do profesorado, realizaron nas aulas. “Inventario de Animais” é o título do libro realizado polos escolares e no que se poden ver fichas con imaxes e datos de varias especies animais. No acto de entrega estiveron presentes a alcaldesa da cidade, Marián Ferreiro, e a concelleira de Ensino e Bibliotecas, Mercedes Taibo, que agradeceron aos menores o feito de que elixisen a Biblioteca municipal para deixar alí o seu libro.
Como nacen, de que se alimentan, onde viven, como medran e curiosidades son os datos que especifican en cada unha das fichas, cunha fotografía e un debuxo realizado por eles de cada animal. As nenas e nenos explicaron que elixiron a Biblioteca para deixalo porque así podería consultalo máis xente.
A iniciativa forma parte do programa SEMGAL, impulsado pola administración autonómica e entre cuxos obxectivos está avanzar na inclusión e mellora do rendemento académico do alumnado galego. Este modelo plantexouse inicialmente para estudantes de alto rendemento e é Galicia a primeira comunidade autónoma de Europa na que se implantou o modelo SEM no ensino público. “Trátase de artellar programas de aprendizaxe con traballos nos que o alumnado utiliza métodos dun xeito transversal e nos que tamén se implica ás familias, un sistema similar ao anterior programa Piteas”, indicou Taibo. O colexio Ponte de Xuvia leva xa dous anos con este proxecto implantado e que no caso de Narón leva un no CPR Santiago Apóstol e no CPI O Feal.
A alcaldesa agradeceu a entrega do libro por parte do alumnado, ao que felicitou polo traballo realizado e tamén o feito de que pensaran na Biblioteca para deixar o seu libro e que o poidan consultar dende ahí as persoas que o desexen. Así mesmo, xunto coa edil de Ensino, entregoulles a cada un dous libros do Concello e un lote para a biblioteca do seu colexio.




Últimas novasu Tódalas novas

<<< Xaneiro 2022 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
   
 
Concello de Narón - Aviso legal