Concello de Narón
Espa�ol
Contacto
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
ASINADA A ACTA DE REPLANTEO QUE MARCA O INICIO DAS OBRAS DE REHABILITACIÓN DO MUÍÑO DE XUVIA
ASINADA A ACTA DE REPLANTEO QUE MARCA O INICIO DAS OBRAS DE REHABILITACIÓN DO MUÍÑO DE XUVIA
A alcaldesa, Marián Ferreiro, e o edil de Obras, Pablo Mauriz, acudiron ao acto xunto con responsables da empresa adxudicataria dos traballos e da dirección de obra
Narón, 26 de xullo de 2021. A alcaldesa da cidade, Marián Ferreiro, e o concelleiro de Obras, Pablo Mauriz, desprazáronse hoxe ao muíño de Xuvia para asistir ao acto de sinatura da acta de replanteo que marca o inicio, na xornada de mañá, dos traballos de rehabilitación. O Concello adxudicou á Unión Temporal de Empresas formada por Prace, Servicios y Obras e Emergis Construcción SL. a intervención, que suporá un investimento de 1.253.566,93 euros. Ferreiro e Mauriz estiveron acompañados por responsables da empresa adxudicataria e persoal da dirección de obra. A actuación está cofinanciada pola Deputación da Coruña e polo Fondo Europeo de Desarrollo Regional (FEDER) no marco do Programa Operativo Plurirregional de España Feder 2014-2020 e enmarcado na Estrategia de Desarrollo Urbano Sostenible e integrado (EDUSI) “Ría de Ferrol, Cidade 2020”.
Ferreiro explicou que “unha vez asinado o documento oficial, está previsto que esta mesma tarde se proceda a vallar o exterior do inmoble para mañá iniciar oficialmente os traballos que permitirán recuperar esta importante construción da nosa cidade”. Sobre as obras a executar nos vindeiros meses a alcaldesa recordou que “se reconstruirán os edificios que forman este complexo fabril do século XVIII, recuperando na medida do posible os elementos máis singulares e implantando ao mesmo tempo medidas de eficiencia enerxética”.
O antigo edificio de vivendas, na planta baixa, habilitarase como museo e área didáctica, mentres que na planta superior se acondicionará un espazo polivalente no que se poderán organizar diversos actos públicos, como charlas, obradoiros, exposicións… Así mesmo, a zona que ocupaba o antigo almacén habilitarase como centro de recepción de visitantes e punto de información, estando o espazo unido aos outros dous elementos a través dun patio interior que se cubrirá cunha estrutura de vidro.
O Consistorio naronés aboará con cargo aos orzamentos deste ano 721.194,10 euros e os restantes 532.372,83 na vindeira anualidade, tal e como se estableceu.
“Este é un dos proxectos máis esperados na nosa cidade, cun gran significado para todas as naronesas e naroneses porque se trata dun edificio moi emblemático, que desempeñou un papel moi importante na historia de Narón e que ocupa un espazo privilexiado para entender a relación histórica da cidade coa tradición industrial”, apuntou a alcaldesa.



Últimas novasu Tódalas novas

<<< Xullo 2022 >>>

LMMXVSD
 
1
2
3
4
5
6
8
9
10
11
12
13
15
16
17
18
20
23
24
25
26
27
29
30
31
Eventos do Concello
   
 
Concello de Narón - Aviso legal