Concello de Narón
  • Concello de Narón
  • El tiempo en Narón
  • Entrada a Naronmail
Noticias
O PADROADO DA CULTURA ABRIRÁ DO 1 AO 24 DE SETEMBRO O PRAZO DE MATRÍCULA NAS ESCOLAS CULTURAIS MUNICIPAIS
As matrículas para as diferentes modalidades ofertadas deberán formalizarse nas oficinas do Pazo da Cultura, tal e como indicou o edil responsable da área, Guillermo Sánchez Fojo
Narón, 13 de agosto de 2020. O vindeiro 1 de setembro e ata o 24 do mesmo mes permanecerá aberto o prazo de matrícula nas Escolas Culturais Municipais do Padroado da Cultura. As persoas interesadas en acudir deben inscribirse nas oficinas do Pazo da Cultura, de luns a venres en horario de 9.00 a 14.00 e de 17.00 a 19.00, podendo solicitar máis información ao respecto chamando ao número de teléfono 981 391 144, tal e como explicou o concelleiro de Cultura, Guillermo Sánchez Fojo. Entre a oferta das Escolas Tradicionais están as clases de Danza tradicional, Canto e pandeireta (a partir de 5 anos); Gaita, Percusión tradicional (a partir de 6 anos); Acordeón, Zanfona (dende os 8 anos); Construción de instrumentos (a partir de 16 anos) e, para os nenos e nenas de menor idade, de 3 e 4 anos, está a modalidade de O Recuncho dos Pequechos. Outra das opcións a elixir son as Escolas Artísticas, donde hai novamente dúas opcións: Debuxo (a partir de 6 anos) e Teatro (a partir de 4 anos) e dende a Escola de Formación de Actores e Actrices, o primeiro curso (a partir de 16 anos), segundo e terceiro e o Practicum. O prezo de cada unha destas actividades é de 63,10 euros por curso a excepción de segundo e terceiro da Escola de Formación Actoral, cuxo importe é de 208 euros por curso. No Padroado da Cultura tamén se ofrece a posibilidade de matricularse en Bailes de salón (a partir de 4 anos), cun custe de 31,60 euros por matrícula e unha cota de 15 euros ao mes. As clases impartiranse entre os meses de outubro deste ano e maio de 2022, ambos incluídos.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal