Narón, 16 de Febreiro de 2010.- O Concello de Narón acordou hoxe, na Comisión de desenvolvemento da Actividade Social e de xeito unánime, destinar un total de 14.200 euros do fondo de axuda ó exterior ós damnificados polo terremoto acontecido en Haití o pasado mes de xaneiro, que causou máis de 200.000 víctimas e incalculables danos personais e materiais. Esta axuda canalizarase a través do Fondo Galego de Cooperación, e a entrega se realizará en dúas veces. Inicialmente se aportará o 70% do total, de xeito que o Concello reserva o 30% restante do fondo de axuda ó exterior por se acontecese outra desgracia de similares características e se precisase colaboración por parte das administracións públicas. De non ser necesaria a aportación a outra causa, o Concello entregará a Haití os 4.206 euros restantes no mes de novembro deste ano. Os cartos proceden do Orzamento Municipal do 2010, e suponen un 0,7% do presuposto de inversión do Concello de Narón.