Narón, 21 de abril de 2022. O Padroado da Cultura de Narón e a Sociedade Cultural Areosa, de Piñeiros, organizan a cuarta edición do Festival internacional de coros que terá lugar este sábado, día 23, no Auditorio municipal, na Praza de Galicia. A cita será a partir das 18.00 horas, e na mesma, tal e como indicou o concelleiro de Cultura, Guillermo Sánchez Fojo, actuarán o Coro Peque Solidarium e o Coro da Capo do Concello de Narón, o coro Amigos de la Ribera, de Asturias, o coro de San Fernando de Sestao, de Euskadi, e a Coral da Sociedade Cultural Areosa (Narón). A entrada a este evento musical é de balde, tal e como indicaron dende a organización.