UNHA UNIDADE MÓBIL PARA A DOAZÓN DE SANGUE ESTARÁ DOUS DÍAS DA VINDEIRA SEMANA NA CIDADE
O vehículo permanecerá operativo os días 25 e 26 de abril en horario de mañá e tarde nas inmediacións do novo centro de saúde
Narón, 22 de abril de 2022. Unha unidade móbil da Axencia de Doazón de Órganos e Sangue (ADOS) estará a vindeira semana, o luns e o martes, nas inmediacións do novo centro de saúde. O vehículo permanecerá operativo durante esas dúas xornadas en horario de mañá e tarde, de 9.30 a 14.30 e dende as 15.30 ata as 21.00 horas.
As persoas que acudan a doar sangue a primeira hora deben almorzar pola mañá e no caso de facelo despois de xantar ao mediodía, esperar dúas horas para facelo. Así mesmo, deben levar a tarxeta de doante, o DNI ou un documento similar e informar ao médico se se está tomando algún medicamento.