Narón, 26 de abril de 2022. Escolares de sexto curso de educación Infantil do colexio Ponte de Xuvia desprazáronse esta mañá ao Concello no marco do Programa de Recursos Educativos de Apoio á Escola. Á súa chegada foron recibidos pola abella “Nara”, de Narón, e por un explorador, que os acompañaron durante o seu percorrido e ata o salón de plenos, donde se reuniron coa alcaldesa, Marián Ferreiro. As nenas e nenos ocuparon os asientos dos concelleiros e concelleiras da corporación local durante a súa estancia no salón de plenos, donde visionaron ás 10.30 horas o vídeo “Nara de Narón”. A continuación, comezou un turno de preguntas, no que se dirixiron á rexedora local para interesarse polo traballo que realiza no seu día a día no Concello, se ten que poñer coroa, se pon multas de tráfico e se fai os desprazamentos en taxi, entre outras cuestións. Ferreiro respostou aos alumnos e alumnas, ensinoulles o bastón de mando ao explicarlles que non tiña que poñer coroa senón que nos nomeamentos se entregaba un bastón de mando, e animounos a continuar preguntando calquera dúbida que tivesen sobre o Concello e incluso a plantexar suxestións para a cidade. Finalmente, a alcaldesa entregoulles un agasallo institucional, unha gorra da abella “Nara” e un exemplar do libro “Narón pinta ben”, con varios espazos moi recoñecidos da cidade para pintar. O programa municipal inclúe unha serie de actividades nas aulas, que se realizan grazas á colaboración e implicación dos centros de ensino, para que á súa chegada ao Concello os escolares teñan uns coñecementos básicos da citada administración. Así mesmo, antes de regresar ás aulas, as nenas e nenos traballan en grupo cun crebacabezas da cidade. As visitas escolares programadas a través desta iniciativa continuarán en maio, cando están concertadas as visitas de escolares do CEIP Virxe do Mar –o día 3-, e do CEIP A Solaina –os días 24 e 31-.