Foi convocado para homenaxear esta data e tamén o Día de Internet.
Narón, 14 de Maio de 2010.- Os Concelleiros de Cultura e Novas Tecnoloxías de Narón, Guillermo Sánchez Fojo e Paloma González Cuevas respectivamente, entregaron hoxe os premios ós gañadores do I Concurso das Letras Galegas 2010 , convocado polo Servizo de Normalización Lingüística do Concello co fin de homenaxear a figura de Uxio Novoneyra. A convocatoria foi doble, xa que a participación neste concurso fíxose a través de Internet para conmemorar tamén o Día de Internet. Ambas datas coinciden no calendario, xa que se celebran o 17 de maio.
Nesta primeira convocatoria do concurso participaron un total de 9 persoas, e ambos concelleiros as felicitaron hoxe por ter formado parte do mesmo. “Felicidades a todos e todas, e os animo a seguir participando porque esta é unha aposta positiva que dende o Concello queremos manter no tempo”, asegurou a Edil de Novas Tecnoloxías, Paloma González Cuevas. Pola súa banda, o Concelleiro de Cultura tamén valorou os traballos presentados a este concurso, e desexou que o vindeiro ano a participación se duplique.
A relación de premiados/as é a seguinte:
Categoría de adultos
1º premio: Ana Mª García Martínez. Título da redacción: Un día para Uxío
2º premio: Josefa Fernández Rodríguez. Título da redacción: Día das Letras Galegas. Uxío Novoneyra.
3º premio: Cristina Villadóniga Freire. Título: Morrer é ficar morto.
Categoría de ESO
1º premio: Lucía Piñeiro Rego. Título da redacción: Letras Galegas 2010. Uxío Novoneyra.
O resto de participantes recibiron un diploma acreditativo do seu traballo.