Narón, 13 de Maio de 2011.- O Paseo Marítimo de Xuvia e o polígono de Rio do Pozo acollerán os días 3, 4 e 5 de xuño a VI Concentración Moteira ‘Cidade de Narón’ organizada polo Motoclub Fojeteiros, en colaboración co Concello de Narón e o Plan de Dinamización Turística da Deputación de A Coruña.

Por primeira vez, as xornadas incluirán unhas Xornadas sobre Turismo Activo, nas que os moteiros percorrerán diferentes lugares da comarca co fin de coñecer o paisaxe e o patrimonio cultural da mesma. Así, levarán a cabo dous rutas:

Sábado 4 de xuño: saída ás 11:00 horas do paseo marítimo de Xuvia, para visitar o Faro de Valdoviño e a praia da Frouxeira. Regreso ás 14:00 horas.

Domingo 5 de xuño: saída ás 11:00 horas do paseo marítimo de Xuvia, para visitar o pobo de A Graña, e San Felipe (incluíndo o Castelo). Despois partirán a Cabo Prioriño, para visitar as baterías de Cabo Chico e As Viñas. O regreso está previsto para as 13:30 horas.

Programa da VI Concentración Moteira ‘Cidade de Narón’:

VENRES 3 DE XUÑO
A partires das 18:00 horas: Apertura de inscripcións.
Actuación dos grupos noveis da Escola de Música Moderna de Narón “Terapia” e “Bull Dog”.
Simulador de “caballitos” x-bike.
Concerto musical cos grupos “Que cunda o pánico!”, “Capitán Morgan” e “Riff Raff”.

SÁBADO 4 DE XUÑO
A partires das 10:00 horas: apertura de inscripcións. Ruta turística pola comarca.
Acrobacias a cargo de “Paulo Martinho” (Exhibición con moto e Ferrari) no aparcadoiro de camións do polígono de Rio do Pozo.

Diversos entretementos e simulador de “caballitos” x-bike na carpa. Cea na carpa do paseo marítimo de Xuvia.
Desfile das antorchas (ás 23:30 horas) percorrendo a estrada de Castela ata a Ponte das Cabras. Farase en memoria dos moteiros que perderon a vida na estrada.
Conxuro e queimada.
Gran festa moteira co grupo “Los m&n`s band” e festa amenizada por “Disco Master”.

DOMINGO 5 DE XUÑO
Almorzo moteiro na carpa.
Ruta turística pola comarca.
Xantar e entrega de trofeos e premios nas diferentes categorías.

O prezo da inscripción é de 30€. Pode facerse a través do tf 697 269 102; no enderezo info@motoclubfojeteiros.com, e tamén en www.motoclubfojeteiros.com ou en Facebook.