A glorieta das inmediacións do restaurante Juanito coa rúa Concepción Arenal permanecerá pechada ao tráfico os días 28, 29 e 30 de xuño, según as previsións iniciais, para realizar a última conexión das obras
Narón, 28 de xuño de 2017. A rotonda situada nas inmediacións do restaurante Casa Juanito, na Gándara, e da rúa Concepción Arenal –en dirección Narón- permanece cortada ao tráfico rodado desde esta mañá. O edil de Seguridade Cidadá e Tráfico, Guillermo Sánchez Fojo, explicou que a medida permitirá realizar as tarefas correspondentes á execución da última conexión das obras do saneamento da ría.
O corte e os desvíos do tráfico rodado manteranse durante dous días, según as previsións iniciais da empresa que executa os traballos, polo que desde o goberno local se solicitan desculpas aos condutores polas molestias que poidan ocasionar.